Candela tabata halto bou di e weanan di Cushina di Bario Nort’i Saliña. Cushina di Bario Nort’i Saliña ta un colaboracion entre Entidad Publico Boneiro y e compania Yuma Coaching & Cooking. E proyecto ta cushina cuminda pa habitantenan di e bario Nort’i Saliña. Cuater habitante di Nort’i Saliña ta prepara y cushina e cumindanan aki. Cushina di Bario Nort’i Saliña ta draai for di juni 2021. E team di Cushina di Bario Nort’i Saliña ta motiva pa traha duro pa e habitantenan di bario. Riba diahuebs 29 di juli 2021 director di Comunidad y Cuido Silvana Janga-Serfilia tabata di bishita na Cushina di Bario Nort’i Saliña.
Banda di e funcion practico di cushina cuminda salu, Cushina di Bario Nort’i Saliña tin un funcion social tambe, esta di participacion y conexion den bario. E meta final di e proyecto ta pa activa hendenan di cada bario pa prepara, cushina y sirbi cuminda na e personanan cu tin necesidad di esaki.
E trahado di bario ta informa ken ta e personanan cu ta bini na remarca pa cuminda. E tin bon bista riba ken ta sali beneficioso pa ricibi esaki. En general ta trata di hende mas grandi, cu tin cu biba di un pensioen of hende cu ta aleha di mercado laboral i pa e motibo ey ta biba di onderstand.
Reacciona di e habitantenan di bario ta hopi positivo. Nan ta duna hopi compliment pa e cumindanan y e clientenan hopi biaha ta para cla caba cu nan baki reusabel pa ricibi nan cuminda. Nort’i Saliña ta un bario caminda tin hopi conexion social: tin hopi laso familiar den e bario y duna un aporte na e proyecto aki pa e team ta un manera pa duna bek na e bario i na esunnan pa kende bida ta un tiki mas dificil. E otro barionan na Boneiro por tuma Cushina di Bario Nort’i Saliña como ehempel: habitante di bario ta cushina pa habitante di bario.
