ORANJESTAD –E Departamento di Naturalesa y Medio Ambiente a ricibi bishita di e organisacion di Hulanda, TAUW cu a bin Aruba pa asisti DNM den e proceso di preparacion pa un descripcion di trabou rekeri (bestek) pa laga controla e calidad di suela rond di Aruba.
Parti di e proyecto aki ta e encera e concepto di ‘brown water’, caminda cu ta constata e calidad di awa rond Aruba manera caminda tin rooi, grondwater, dam entre otro pa haya sa ki calidad esakinan tin y tambe e concepto ‘brown field’ unda cu ta wak e calidad di suela na diferente area rond Aruba. E estudionan aki lo indica calidad di awa y suela rond Aruba.
Ademas, e organisacion lo duna un tayer na tur esunnan cu mester di e informacion pa por uza e sistema cu ta bay ta un sistema digital. E organisacion ta asisti DNM den e aspecto pa hinca den otro locual ta e rekisitonan pa haci e investigacion, locual kier haya sa y kico e criterionan ta entre otro.
