(NLTimes) – Aunke costonan di bateria a aumenta, companianan di auto ta fabricando y lansando vehiculonan electrico na prijsnan mas accesibel cu lo haci esaki mas attractivo na un grupo mas amplio di persona.
E ultimo a sali diahuebs for di General Motors, un Chevrolet Equinox cu un prijs den e area di 30,000 dollar. GM no lo revela e prijs exacto di e Equinox EV te ora cu e fecha di su benta yega mas cerca, cual ta mas o menos den e tempo aki proximo aña. Sinembargo e vehiculo aki ta den e parti abao di Edmunds.com su lista di prijs pa vehiculonan electrico bendi na Merca, unda e averahe di e costo di un vehiculo electrico ta rond di 65,000 dollar.
Yega na un prijs di mas o menos 30,000 dollar ta clave pa logra cu mas persona lo haci e cambio di vehiculo di gasolin na vehiculonan electrico, analistanan di e industria a bisa. “Bo ta drenta den e rango perfecto,” Ivan Drury, director di Edmunds.com a expresa. “Basicamente bo ta na e punto di prijs cu tur hende ta busca.”
Analistanan di e industria di vehiculo ta bisa cu si Equinox haci uso eficiente di e espacio interior cu suficiente espacio pa ekipahe y pasahero ademas di tin un estilo similar na e vehiculonan di gas, e por ta un hit den e parti mas popular di e mercado di auto na Merca.
