(NLTimes)—E tempo di espera pa studiantenan haya cas na Hulanda ta, en averahe, mas largo cu loke ta tuma pa completa un estudio Bachelor, segun NU.nl ta reporta despues di papia cu proveedonan di vivienda pa studiante. Un estudio di Bachelor ta tuma tres aña pa completa. Studiantenan na Amsterdam, Delft, y Leiden mester ser registra cu un proveedor di vivienda pa studiante pa casi cinco aña prome cu nan por cualifica pa cas.
Hopi proveedo ta aloca un camber a base di con largo e studiante a para den lista di espera. Un hende cu tabata registra pa cinco aña lo haya un cas prome cu un hende cu tabata riba e lista pa dos aña.
Tilburg ta e unico ciudad di studiante cu un tempo di espera mas cortico cu un estudio Bachelor. Na Tilburg, studiantenan ta warda menos cu tres aña prome cu por ser eligibel pa cas. Pues nan no al menos gradua bibando den e ciudad unda nan ta studia. Na Wageningen, Breda y Groningen, e tempo di espera en averahe ta 3.5 aña.
“E situacion ta preocupante,” Johan de Bie a bisa, ken ta presidente di e asociacion di comercio Kences. “Bo mester ser registra na edad di 16 aña si no kier tin un chens pa haya camber na tempo.”
E tempo di espera largo pa studiante tin di haber cu e deficit di vivienda na Hulanda. Tin hopi tiki camber pa studiante disponibel, y esnan cu ta existi ta mayormente ocupa pa ex-studiantenan cu no por haya un cas.
Jolien Dopmeijer di e instituto di investigacion Trimbos tambe a yama e situacion preocupante. “Studiantenan ta indica cu nan no por tuma cierto stapnan dilanti debi na e deficit. Esey por causa stress, preocupacion, un perspectivo negativo riba futuro, y ultimamente, depresion,” el a conta NU.nl.
Studiantenan sin un camber frecuentemente mester biaha pa nan estudio. “Esey ta causa hopi stress,” segun Dopmeijer. Biahamento, studiando, trahando y participando den actividadnan social ta contribui na un schedule no sustenibel.
