(AP) — Lionel Messi a haci su hazaña asombroso mas recien: E ta bayendo e Major League Soccer na Merca, uniendo na Inter Miami.
Despues di lunas – hasta añas – di speculacion, Messi finalmente a revela su decision di join un frankisia na Miami cu ta lidera pa otro icono di futbol mundial, David Beckham, desde su inicio, pero cu ainda no a causa gran impacto riba e cancha.
Esaki probablemente lo cambia pronto. Un di e doñonan di Inter Miami, Jorge Mas, a tweet un potret di un silueta scur di camisa di Messi tiki despues cu e gigante Argentino a revela su decision den entrevista cu noticieronan Spaño, Mundo Deportivo y Sport.
Tabata kere cu Messi eventualmente lo scoge pa hunga pa al-Hilal na Saudi Arabia, siguiendo su rival di hopi tempo, Cristiano Ronaldo na un nacion unda algun club ta financia pa e fondo soberano di estado.
Bay back na Barcelona, un frankisia unda el a pasa mayoria di su carera, tambe tabata un posibilidad.
Pero na final, el a tuma e decision cu a laga hopi asombra. Messi ta join e liga Mericano. El a bisa den e entrevistanan ayera cu ainda mester resolve algun detaye final, pero cu el a tuma e decision pa “continua mi caminda” na Miami.
