(AP)—Dokternan tratando baby prematuro na Gaza ta hopi preocupa cu e bienestar di baby prematuro cu ta depende riba incubadornan pa respira. Al menos 130 baby prematuro den e seis unitnan neonatal ta den “riesgo grave”, segun trahadonan di cuido.
E deficit den combustibel ta causa pa e blokeado di Gaza pa e gobierno Israeli, cual a cuminsa—hunto cu e atakenan aereo—despues cu militantenan di Hamas a atake pueblonan Israeli dia 7 di october.
Al menos 50.000 hende muhe na estado na Gaza no por haya acceso na servicionan di cuido esencial, y 5.500 mester duna luz den e luna binidero, segun e Organisacion di Salud Global (WHO). Al menos shete di casi 30 hospital mester a cera pa via di e dañonan causa pa e atakenan for di Israel y falta di coriente, awa y otro material. Dokternan den e hospitalnan cu a keda a bisa cu nan a yega nan limite. E agencia di Nacionnan Uni pa refugiadonan Palestino a bisa diadomingo cu e tin suficiente combustibel pa tres dia.
Ningun di e 20 truck di ayudo cu a drenta Gaza, e prome desde cu a impone e atake, tabata contene combustibel, como cu Israel ta preocupa cu esaki lo cay den mannan di Hamas. E suministracion limita di combustibel pa Gaza tabata ser manda pa generatornan di hospitalnan.
Shete tanki a tuma combustibel for di un deposito di NU den e banda di Gaza riba e frontera, pero no ta claro si nan tabata destina pa e hospitalnan. Tarik Jašarević, un vocero pa WHO, a bisa cu 150.000 liter di combustibel ta rekeri pa ofrece servicionan basico na e cinco hospitalnan cu a resta na Gaza.
Guillemette Thomas, ken ta un coordinator medico pa Dokternan sin Frontera den e teritorionan Palestino, a bisa cu algun baby por muri dentro di par ora, y otro dentro di par dia, si nan no ricibi e cuido special y medicacion cu nan mester urgentemente.
E hosital mester provee cuido pa pashentnan den e partinan norte y central di Daza desde cu varios otro a cera, manera el a bisa, cual a forsa cu e hospital mester a dobel nan capacidad di pashent. Esaki ta pone un presion riba e coriente limita. E problema ta ser escala pa e awa sushi cu hopi ta forsa di uza desde cu Israel a corta e suminstracion di awa. Abu Zahar a bisa cu mamanan ta mesclando formula di lechi cu e awa contamina pa por cria nan baby. Esaki a constribui den e aumento di casonan critico na hospital.
Na hospital al-Awda, un facilidad priva na Jabalia, te cu 50 baby ta nace casi tur dia, segun director di hospital Ahmed Muhanna. E hospital a ricibi un orden di evacuacion for di e ehercito Israeli, pero a sigui traha.
Pa maneha e limitacion den coriente y awa, Muhanna a bisa cu operacionnan plania a ser cancela e hospital a dedica tur nan recurso na emergencianan y nacemento. Casinan neonatal compleho ta ser traslada pa al-Aqsa.
Al-Awda tin suficiente combustibel pa dura cuatro dia, segun Muhanna. “Nos a apela na hopi institucionnan internacional pa suminstracion hospitalnan na Gaza cu combustibel, pero sin exito te awo,” el a bisa.
