(AP) – Oficialnan top di e Union Europeo lo boycott reunionnan informal anfitriona pa Hungria mientras e pais ta mantene e presidencia di e union, despues cu Hungria su Prome Minister pro-Rusia Viktor Orban a tene un serie di reunionnan cu lidernan den exterior tocante Ucrania cu a disgusta su partnernan Europeo.
E decision sumamente inusual pa e president di e Comision Europeo y otro oficialnan top di e curpa boycott e reunionnan na Budapest a ser haci “den bista di e desaroyonan recien marcando e comienso di Hungria su presidencia den e union,” vocero di e comision Eric Mamer a publica riba X.
Hungria a tuma over e rol di 6 luna dia 1 di juli, y desde e tempo aki Orban a bishita Ucrania, Rusia, Azerbaijan, China y Merca como parti di un tour cu e ta yama “mision di pas” cu e metadi trece un fin na Rusia su guera na Ucrania.
Esaki a causa rabia na varios lider den e union, cu a bisa cu e no a ser informa di adelanta di Orban su plan y a core enfatisa cu e lider nacionalista no ta actuando di parti di e bloke durante su reunionnan cu Vladimir Putin y X Jinping. Hungria su ministe pa asuntonan Europeo, Janos Boka, a critica e decision di e comision. Skirbiendo riba X cu e curpa “no por scoge e institucionnan y e estadonan cu ken e kier coopera. Tur decision di e Comision awo ta basa riba consideracionnan politico?” Boka a publica.
Vocero di Hungria, Zoltan Kovacs, tambe a sugeri cu e decision ta producto di preferencia politico skirbiendo riba cu X cu ta “sacrifica e funcion institucional pa propositonan politico priva y ignorando e comision cu rol pa motibonan politico y di ideologia.”
E decision di e Comision Europeo ta aplica na reunionnan informal cu Hungria anfitriona y ta nifica cu e ambtenaarnan lo atende na luga di oficialnan top manera e president di e Comision Europeo Ursula von der Leyen.
Orban su gobierno ta contra e moda comun Europeo pa medio di nenga provee arma na Kyiv pa combati Rusia su invasion y pa medio di menasa cu blokia asistencia financiero na e pais den problema.
Den un entrevista cu corant di Hungria Magyar Nemzet riba dialuna, Orban su director politico a bisa cu despues di su biahe na Moscu, e prome di su tipo for di un ehfe di estado di Union Europeo of gobierno den mas di 2 aña, cu e Prome Minister a informa e lidernan di otro paisnan den e Union Europeo “por escrito tocante e negociacionnan, e experiencianan di e prome fase di e mision di pas y e proposicion di Hungria.”
Sinembargo Von der Leyen a acusa Orban di purba satisface e lider Ruso cu e trip, skirbiendo riba X cu “satisfaccion no lo stop Putin. Solamente unidad y determinacion lo habri caminda pa un pas comprensivo, husto y duradero na Ucrania.”
