For di diabierna 25 di juni ultimo cu eleccionnan a tuma luga ta existi cierto dudanan di loke lo ta e proximo gobierno di Aruba y ki partidonan lo ta forma parti di dje.
Di acuerdo cu siguidonan riba e pagina di Facebook di Bon Dia Aruba a tuma nota di comentarionan den cual algun ciudadanonan ta pidi union y lucha pa bienestar di tur hende, ya cu e dos partido mas grandi cu ta MEP y AVP lo mester tuma decisionnan hunto cu partidonan chikito como Accion 21, Raiz y MAS pa por forma un gobierno di coalicion.
Bon Dia Aruba a purba di haya declaracion di e lidernan di partido chikito, como Marisol Lopez Tromp di MAS y Miguel Mansur di Accion21, pero nan a informa cu tabata den un reunion. Mas laat por a mira riba red social di un periodista local y potretnan di usuarionan cu e dos lider aki efectivamente a dicidi di tene un reunion y bebe un koffie pa entre otro, papia di e futuro gobernacion di e isla. Potret ta cortesia di usuario di Facebook.
