Prome biaha den historia ta graba un discurso nacional un par di dia prome pa pase riba diadomingo 24 di juli 2022. Un discurso cu no tin ningun contenido di importancia y mas bien e ta refleha un discurso di desesperacion. Gobierno sa cu su dianan ta conta despues cu CAFT ta pidi pa duna henter ministerraad un decreto real asina pone nos isla di Aruba den un posicion hopi negativo. Despues di a hunga pa sabi awor nan cara ta na berguensa.

Nos por mira cu gobierno di Aruba ta pusha e agenda 2030 manera ta pasa na otro pais. Un agenda cu ta bunita riba papel por su acto su tras ta diabiolico. Nos por mira cu despues di e proposicion di lider di Accion21 y minister di Raiz sr Geoffrey Wever tambe kier pusha pa e ley caminda cu kier legalisa e matrimonio di mesun sexo. E metanan di desaroyo sostenibel a cuminsa cu partido AVP na 2015 y partido MEP a sigui cu’ne te cu dia di awe.

Nos por mira cu den paisnan afo e no a keda na solamente matrimonio sino cu a pusha tambe e enseñansa di ley di genero caminda no ta usa hende homber y hende muhe mas. A cambia e symbolo riba porta di baño y locual cu a bin su tras ta aumento di violacion sexual y pedofil. E ley di genero lo mester wordo introduci na scol y asina trece confusion den nos criaturanan. Na Merca a bay asina leu cu ta kita e derecho legal di mayornan pa pon’e bao di poder di Estado. Esey ta duna nos di conoce cu lo no laga nos criaturanan yega mayor di edad pa nan por dicidi pa nan mes. Nos como mayor ta yama pa educa nos yiunan y no Estado. Den un Edado comunista esaki un asunto comun y coriente. Nos lo no por permiti pa introduci un ley asina. Francia tambe ta den proceso di introduccion di un ley asina.

Aruba tambe ta wordo obliga pa acepta un cambio di e ley di genero, paso a bay di acuerdo e agenda 2030. Den forma socialista/comunista kier doblega pueblonan rond mundo. E covid-19 cu a sali for di laboratorio biologico na China ta un arma biologico pa asina benta economia mundial abao pa elitenan tuma poder riba henter mundo. E unico manera cu e experiment genetico cu nan a yama vacuna por a wordo introduci ta pa medio di un Pandemia. Nos por a mira cu hopi pais a trata di hasi’e un obligacion y a bay asina leu di kier a crea un paspoort digital unda tin tur bo informacionnan.

Si a para e ley aki for dia 8 di September 2016 awe nos no tin problema, pero e la sigui y dia 1 di maart 2021 a vota pa legalisa nos codigo civil unda e geregistreerd partnerschap a bira legal. Cos no caba aki, no kier lage te eynan y nan ta pusha pa haya mas poder. Esaki ta danki na e parlamentarionan cu no tabata tin weso di lomba y bisa ta basta. Votamento contra no a yuda paso di antemano nan tabata sa cu e ley lo wordo aproba den nos Parlamento cu otro palabra nan ta complice di locual cu nos ta biba awe. Esaki ta danki tambe na pastornan cu a duna stemadvies pa tanto partido AVP como partido MEP.

Danki Dios pais nan rond di mundo a cuminsa lanta para pa nan derechonan. Un di e promenan ta Sri Lanka cu a core cu e president socialista/comunista. A sigui Inglaterra, Estonia, Bugaria y Italia. Hulanda tambe pronto e gobierno socialista/comunista aki lo bay cas. “Geen boeren geen eten. Hou vol boeren. Wij zijn met jullie”. Aruba su gobierno no ta keda atras paso e tambe ta colga na un hilo.

Bill Gates a cumpra mayoria terreno di plantacion na Merca y ta forsa awor pa introduci su carni sintetico p’esey ta bringa pa tin scarsedad di alimento pa introduci su carni sintetico y pa tin control riba hende rond mundo. Corda riba e lema di e foro economico mundial: lo bo no tin nada y lo bo ta feliz. Nos mester prepara pa lanta para pa nos derechonan y den manera pacifico laga nos voz resona.