Aruba ta sclama pa ayudo y nos tin politiconan cu ta mira mas nan beneficio personal politico cu beneficio di pueblo di Aruba en general. Tristo pa mira con negoshinan ta apoya e metanan di Desaroyo Sostenibel Agenda 2030 sin cu tin conocemento kico ta come y bebe di e 17 puntonan. E agenda 2030 den un simpel contesta ta reduci poblacion mundial of mihor bisa mata bo, kita bo libertad di expresion, lo bo no tin placa mas y na final nos tur tin cu biba den un estado comunista. Gobernantenan rond di mundo a wordo informa di e plan diabolico aki y tin bisa cu nan a hasta haya placa pa ehecuta manera dr. Roberta Malone ta conta. Locual cu nos prome minister a firma a haci Aruba e prome isla den Caribe join CommonTrust Network di World Economic Forum cu ta forma parti di Sustainable Development Goals. Pueblo no lubida e lema aki: Lo Bo No Tin Nada Y Lo Bo Ta Feliz. Comerciantenan por wel di lubida existencia di nan negoshi, lubida riba concierto paso for di un pueblo bashi lo bo no por saca nada.

Nos por a mira lider di AVP a bay cerca OPPA pa presenta un documento. Partido AVP tambe ta apoya e Sustainable Devolopment Goals y e lider partido AVP tabata parti di esaki na New York hunto cu e premier Hulandes dia 23 di September 2015. Common Good of bon comun tambe ta forma parti di e Sustainable Development Goals. E metanan di desaroyo sostenibel ta contra di e bienestar di nos grandinan paso nan ta un peso pa comunidad. Pa Aruba progresa nos mester honra nos grandinan.

E Hulandesnan a imprimi mas cu 1 miyon flyers y a cuminsa parti’e rond pa educa e pueblo Hulandes kico ta spera e pueblo Hulandes si no para e agenda di World Economic Forum. Cuminsa busca informacion www.StopWorldControl.com. Lubida di tin cuminda saludabel. Prepara pa come insecto manipula geneticamente traha den fabrica y carni traha den laboratorio, lubida biahamento paso e ta malo pa e clima y biba den 15-minute smart city. Aruba nos mester lanta para pa nos libertad.

E agenda diabolico aki kier legalisa pedofil. Kier impone enseñansa na scolnan preparatorio cu mester pusha e muchanan na edad hoben pa tene relacion sexual ya cu edad no ta importante. Esaki ta duna nos di compronde cu legalisacion di pedofil ta na caminda si nos como pueblo no lanta para y bisa ta basta. Un pueblo ta parce pa falta di conocemento.

Nos por a tende cu un grupo di pastornan tabata tin un reunion politico luna pasa cu e parlamentarionan supuestamente Cristian. Un reunion caminda a papia mas ariba bida di lider di partido Curpa di mas cu 20 aña pasa. E grupo di pastornan aki ta demostra un falta di etica pa papia tras di lomba di un hende cu no ta presente y ta otro demostracion di hendenan cu ta carece di falta di amor di Dios. En bes e lidernan religioso aki bisa e supuestamente cristiannan aki pa scoge pa Dios of scoge pa satanas. Pa placa boso ta laga e famia institui pa Dios wordo persigui pa mesun gobierno cu e parlamentarionan supuestamente Cristian ta sostene. Un Cristian berdadero nunca por apoya un gobierno cu tin un agenda satanico. Nos ta na un crusada di decision of ta nan of ta e pueblo cristian. Diesdos’or a bati dia caba y cueste lo que cueste mester pone paro na e agenda cu gobierno a hinca su mes aden cu ta contra di e bienestar general di nos pueblo. Si kier manifestacion anto mester bin un manifestacion pacifico caminda cu e mensahe cu ta bay na gobierno ta baha paso e gobierno aki ta desgracia bienestar di nos pueblo y no pa gaña di muri y mira ken ta yora. Straño ta cu e grupo di pastornan aki no a formula un carta caminda cu ta condena e postura cu nos minister president a tuma. Tempo di prome minister den e gobierno di AVP a bay bebe ensure banda di Willem III toren si a manda un carta pa su persona pa pidi pordon na Hulanda y na gobernador.

E gobierno no tin mucho dia mas di bida paso tur cu bay contra leynan di Dios lo termina malo y nan lo paga pa locual cu nan a sembra. Partido Curpa lo sa di honra nos grandinan. Unico partido cu a para pa e famia institui pa Dios ta partido Curpa y p’esey partido Curpa ta keda e unico alternativa.