Aruba tin un gobierno e bienestar general di nos pueblo no ta conta. Durante e ultimo 5 añanan gobernacion gobierno a crea debe riba debe y nunca ta interesa pa baha gasto. Gobierno su vision ta unicamente di crea debe, biaha, fiesta y lease auto caro. Pa caba di pone e cherry riba e bolo nos parlamentarionan ta bay di acuerdo pa aumenta BBO cu 1% y asina strangula pueblo.

E actitud aki ta contribui na solamente core cu nos inversionistanan for di Aruba y lo haci cu mas negoshi lo cera nan portanan y mas hende sin trabao. Nos sa cu tin negoshinan cu a bandona Aruba caba y a bay establece na nos hermana isla di Curaçao. Ningun hende lo inverti den un clima di medida paso nan lo perde nan inversion. No tin ningun proyecto pa genera placa den caha di gobierno y unda gobierno pone su man nan ta haci daño. Costo di bida cada dia cu pasa ta bira impagabel. E informacion cu nos di partido Curpa a ricibi ta cu boticanan ta bay aumenta remedi cu 30%.

Despues di medida awor ta busca moda di tira limosna pa pensionadonan y ta hisa sueldo minimo cu awg.58,=. E parti mas grandi di trahadornan ta gana un sueldo minimo y e comerciantenan ta bay aumento nan prijs automaticamente. Esnan cu tin un salario minimo sigur tin derecho di haya aumento di salario paso nan no por biba mas cu e salario cu nan tin. Laga nos no papia di esnan cu tin un solo pensioen y esnan cu no tin trabao. Con nan lo haci? Gobierno a haci nos pueblo catibo di debe.

Januari 2023 lo habri cu hopi mas problema social. Nos sa cu pa via di placa a cera parti di Respaldo y awor e hendenan peligroso aki ta riba caya. No papia mes di eigen bijdrage riba remedi. Hopi ta esnan cu no por paga nan mesun remedi. Tur cos ta mustra cu gobierno di berdad ta implementa e lema di World Economic Forum esta:” lo bo no tin nada y lo bo ta feliz”. Esaki ta locual cu nos promer minister a firma pe dia 17 di December 2020 cu CommonTrust Network di World Economic Forum.

Nos minister president no a tuma ningun decision pa locual ta trata e caso pa formalisa matrimonio di mesun sexo mientras cu nos hermana isla di Curaçao no a para keto paso nan si ta bay corte di casacion. Riba e asunto aki tabata tin hopi sensacion pero no ta tuma decision. Dia 8 september 2016 vota e geregistreerd partnerschap paso no por a bende e matrimonio di mesun sexo cu pueblo. P’esey mester a adapta e amienda 7 y asina habri porta pa e matrimonio di mesun sexo. Tin parlamentario pa no haci uso di derecho di vota a bandona sala di parlamento pa no vota contra. Esta cobarde. Ta ken a saca e amienda 7 for di bari sushi e tempo ey, no ta partido mep y democracia real. E resultado di 1 maart 2021 di e votacion a demostra cu partido MEO y AVP, Red Democratico y POR a vota na fabor 17 voor y solamente 4 contra. No a worry pa consulta pueblo den un referendum mucho menos den e tempo aki paso nan sa cu mayoria lo ta contra. Nos por a tende cu MEP, RAIZ y MAS a presenta un concepto di ley pa e matrimonio di mesun sexo. Parlamento ta campeon pa tuma medida riba pueblo pero pa e asunto di e matrimonio aki nan ta prefera pa lag’e drumi y pa trata di lag’e muri. Mientras tanto e parlamentarionan lo bay cu vakantie y laga e asunto aki fria y laga pueblo lubida.

No ta un secreto publico pa locual cu ta trata e caso di Arubahuis. E mal version cu a tuma lugar ey nan y ta trata cueste loque cueste pa no tin un investigacion penal paso a duna e gevolmachtigde minister pa paga pero no a haci un investigacion drechi di cuanto placa di pueblo a wordo malgasta. Tempo di partido Por a benta gobierno abao. Awor aki Raiz tin e gobierno bon brasa y no ta para pa integridad. Partido mep nunca ta haci nada malo pero ora ta toca otro si ta grita cera. Pueblo no lubida e argumento usa pa a benta gobierno abao dia 30 di maart 2021. Di nos no ta contra pero di nan si. Nos ta kere kier sconde cos pero e berdad lo sali na cla. Bo por tin e palabra di Dios den bo boca pero esaki no kiermen cu bo curason ta cu Dios. Dios conoce cada un di nos curason. Nos por haci burla di Dios y manera cu nada lo pasa. Nos ta bibando den tempo di Noe? Aruba a bira lomba pa Dios? Esaki ta e tempo cu e lo kita gobiernonan cu ta bay contra di Su palabra. Esaki ta e tempo pa scoge pa Dios of scoge pa ta na banda di mundo. Berdad nos mester aparta for di Core.