![Migration Italy](https://www.bondia.com/wp-content/uploads/2023/09/Lider-Italiano-Giorgia-Meloni-ta-priminti-cu-lo-tuma-medidanan-extraordinario-pa-trata-cu-aumento-di-migrantenan2_result-696x464.jpg)
(AP) – Prome Minister Italiano Giorgia Meloni a priminti diabierna cu e lo tuma “medidanan extraordinario” pa trata cu e fluho di migrantenan, incluyendo yamadonan renoba pa un blokia naval den Noord africa, despues di un siman den cual mas di 6,000 persona a yega dentro di un dia riba e isla di Lampedusa for di Tunisia.
Meloni a invita e hefe di Comision Europeo pa bishita Lampedusa cu su persona pa mira e condicionnan personalmente y a haci yamado pa un trato nobo di Union Europeo tocante migracion cu Tunisia y pa esaki drenta den efecto. Den un video distribui pa su oficina, Meloni a bisa cu Europa tin mester di un “cambio grandi” pa por lidia cu un serie di factor den Africa, pues conflicto, instabilidad, aumento den prlijsnan y crisis di clima, cu el a adverti por causa cu miyones di persona lo pone nan bida den riesgo pa bay Europa. “Obviamente, Italia y Europa no por duna un bon bini na e cantidad masivo di personanan aki, specialmente ora cu e fluho di migrantenan ta maneha pa traficantenan sin escrupulo,” el a comenta.
Lampedusa, cual ta mas cerca di Africa cu pais Italiano, a ricibi un fluho masivo di miles di persona cu a spera di yega Europia via Tunisia, cual a reemplasa Libya como e base principal pa operacionnan di traficacion di migrante.
Cruz Cora Italiano a bisa cu mas o menos 700 persona a ser transferi for di Lampedusa riba diahebs y 2,500 mas ta den plan pa diabierna pa purba di alivia e presion riba e isla su centro di refugiado, cual tin un capacidad normal di 400 persona. Desde diabierna mainta, e centro tabatin 3,800 persona, cual a disminui di e cantidad impresionante di 6,000 persona cu a registra e siman aki, Cruz Cora a splica den un declaracion.