(AP)—E presidente di Ucrania a haci yamado riba lidernan di Union Europeo ayera pa cumpli cu nan promesanan di provee ekipahe militar pa su pais enfrenta guera, como cu e aliansa a priminti pa apoya e gobierno na Kyiv den termino largo.

“Cumplimento di tur promesa ta importante, no solamente den terminonan di protegiendo bida pero tambe pa destrui e ilusion Ruso cu nan lo gana algo for di e guera aki,” segun presidente Volodymyr Zelenskyy a conta e lidernan na un cumbre di UE na Bruselas.

Forsanan Ruso ta buscando pa pusha nan bentaha den cantidad di tropa y arma prome cu e forsanan arma di Ucrania haya mas ekipahe via e ayudo militar priminti for di e West. Zelenskyy a gradici paisnan cu a priminti ekipahe, arma y municion, pero a subraya cu “nos mester nan urgentemente riba e tereno di bataya.” Tambe el a apela pa mas ayudo riba “cosnan urgente—defensa aereo, esey ta un.”

Zelenskyy y e lidernan a firma un documento di 12 pagina di “compromisonan di seguridad conhunto” pa otro. Basicamente e ta encapsula kico e aliansa di 27 nacion ta haciendo pa e paisnan pa loke ta trata asistencia financiero, militar of otro tipo desde Rusia a invadi Ucrania na februari 2022.

Lidernan autoritario di Belarus a nomber un minister di Asunto den Exterior nobo y a cambia atrobe otro oficialnan halto. UE, pa su parti, ta comprometi na e “provision predicible, eficiente, sostenible y di termino largo di ekipahe militar,” yuda cu entrenamento militar y crece e sector di defensa na Ucrania, ademas di mas cooperacion riba menasanan cyber y hibrido, manera manipulacion di informacion y interferencia.

Tambe el a priminti pa yuda cu aprobacion pa mina, reforma di seguridad y ehecucion di ley, seguridad nuclear y energetico, como tambe asisti cu reconstruyendo infrastructuranan destrui na Ucrania, hospitalnan y otro edificio, y duna responsabilidad nan esnan sospecha di crimennan di guera.

Ucrania a priminti pa mantene balornan Europeo y continua riba su rumbo di reforma den preparacion pa drenta UE, incluyendo por medio di sigura control civil riba su forsanan di defensa y seguridad. Tambe e ta priminti pa aumenta transparencia y responsabilidad den e manera cu e ta uza e asistencia di UE.

Varios pais ya caba tin un acuerdo bilateral cu Ucrania, ofreciendo un compromiso di termino largo pa yuda Kiyv, incluyendo un bes cu e guera cu Rusia yega su fin. Zelenskyy y presidente Mericano Joe Biden a firma un pacto asina na comienso di luna cual lo core pa e proximo decada.

E documento di UE a ser firma den e mesun siman cu el a lansa discusionnan di miembresia cu Ucrania, un decada despues cu e tropanan Ruso a invadi e Peninsula Crimea pa stroba e pais di move mas cerca pa e West, parti di un cadena di eventonan cu a pone e dos bisiña riba caminda pa guera.

“Nos a warda hopi largo pa esaki,” Zelenskyy a conta reporteronan, gradiciendo UE pa su aprobacion. E aliansa ta notablemente preocupa tocante corupcion amplio na Ucrania y esaki mester ser corigi prome cu e pais por drenta. E proceso di accesion lo probablemente tuma varios aña.