(AP) – E lider di Tunisia su partido Islamico modera a ser sentencia na 15 luna den prizon pa sosten na terorismo y incita odio den e pais Nort Africano, cual antes tabata ser mira como un modelo di democracia den e mundo Arabe pero tambe cada biaha mas autoritario den añanan recien.
Corte di Apelacion den e capital, Tunis, a dicta e sentencia dialuna ultimo contra Ennahdha su lider Rached Ghannouchi, un ex vocero di parlamento y oponente vocal di e President Kais Saied. Saied a cuminsa tuma accion contra criticonan y rivalnan politico mientras e tabata consolida e poder y tabata eherce poder via decreto den e ultimo 2 añanan. Ghannouchi, ken tin 82 aña, ta e fundador y lider di e partido Islamico. El a sirbi como vocero di e Parlamento lidera pa Ennahdha te ora cu el a tuma tur poder den su propio man den juli di aña 2021, suspendiendo e Parlamento.
Ghannouchi, ken a mantene cu Saied su accionnan tabata confiscacion di poder, a ser aresta den april den medio di tension social cu ta creciendo y problemanan economico cu ta birando cada biaha mas profundo na Tunisia. Anteriormente el a ser sentencia na prizon pa aparentemente referi na e polisnan manera traidornan den loke su partido a bisa ta un huicio falso.
Ademas di prolonga e sentencia cu 3 luna, Corte di Apelacion a ordena Ghannouchi paga un boet di mas o menos 300 dollar y a pone e lider bao supervision hudicial pa 3 aña. E no tabata den corte pa tende sentencia riba dialuna di acuerdo cu su partido su boycott di e corte y procedencianan legal contra su miembronan bao acusacionnan cu nan abogado varios biaha a denuncia como sin base y politicamente motiva.
