Nos ta den un guera entre e bon y e malo. Temponan fastioso ta dilanti porta. E crisis lo sigui aumenta. Na Alemania e agricultornan ta den protesta y tur cos ta mustra cu e situacion lo escala paso esnan cu ta transporta carga tambe a uni na e protesta. Supermercadonan na Alemania a laga sa di kibra contract cu companianan di transporte. E mensahe di e agricultornan Aleman na gobierno ta pa baha. E ciudadanonan di paisnan Europeo a fada di gobiernonan socialista paso puro promesa pero nada di hecho. E cana di e agricultornan a yena y no kier tende nada di e gobierno socialista aki. Hulanda ainda e agricultornan ta biba den un incertidumbre y tambe a uni na protesta. Polonia, Luxumburg y Francia tambe lo join e protesta. Hulanda ta e di 2 pais mas grandi di exportacion di cuminda.

Aruba lo bay cuminsa sinti e efecto no solamente riba cuminda pero tambe prijs pa cuminda lo sigui subi. Lo bay tin escasez riba locual cu ta cuminda. Prijs di carni lo bay aumenta drasticamente paso tur e animalnan cu nan a vacuna a muri. Un vacuna cu no ta sirbi ni pa bestia pero a us’e riba hende. Nos ta mira e mesun patronchi cu kier usa atrobe na comienso cu a declara pandemia. Hende mester cuminsa bisti tapa boca, mantene distancia y despues a cera tur hende den cas y a bin cu toque de queda. El a cuminsa na China y un di e prome pais na Europa tabata Italia. A sembra panico den pueblo pa despues cu engaño pusha e vacuna mortal. Porfin dr. Fauci a admiti den New York Post cu no tin ningun estudio haci pa mantene distancia social y cu esaki lo preveni cu un persona lo por contagia di e virus. Na Europa a cuminsa cu caso penal (genocido) contra di e ex minister di salubridad pa pusha e vacuna. Tambe tin un caso pendiente contra Ursula von den Leyen, contra di e director di Organisacion Mundial di salud y tambe Bill Gates. Cientificonan ta pidi pa para cu e asunto di vacuna mas liher cu ta posibel. E industria farmaceutico a hiba un ganashi di mas cu 20 biyon di dollar pero pa locual cu ta e efecto secundario tin ganashi barbaro di 500 biyon di dollar. Nos por a mira cu e parlamentario Aleman Christine Anderson y e parlamentario di Rumania Cristian Terhes ta esnan cu a para duro contra di e vacuna te cu Union Europeo a admiti cu e vacuna ta un experimento genetico. Nos di partido Curpa ta di opinion cu nos pueblo mester tin e libertad di dicidi si ta tuma e vacuna of no ta tuma e vacuna. Na luna di mei 2024 lo bay tin un reunion porta cera na Davos unda decision lo cay cu ora di un pandemia e vacuna lo bira obligatorio y e poder lo ta den man di Organisacion Mundial di Salud. Tambe kier pusha pa e paspoort digital. Tur e cosnan aki ta hinca den e 17 puntonan di Desaroyo Sostenibel of Sustainable Development Goals. Un pueblo sin privacidad y sin libertad.

Esaki ta un tempo pa busca Dios di curason. Tin yen di cos ta pasando rond mundo pa desvia atencion di pueblo pa asina nan por ehecuta nan plan diabolico. Nos pueblo ta biba bao di un regimen di un gobierno cu no ta honra Dios su leynan. Esaki ta haci cu nos gobierno ta bou di un maldicion y ta lastra nos pueblo den e direccion aki. E maldicion ta cay tambe riba nos supuestamente parlamentarionan cristian paso nan ta responsabel tambe pa locual cu ta pasando y no ta haci nada. Partido Curpa e unico alternativa.