Increibel con e minister cu ta encarga cu Serlimar kier hustifica su maneho riba desperdicio. Bisa mi ken den 2023 ta bay paga awg.1050, pa un baki di sushi di 15 yarda. Ta sigur cu mayoria habitante na Aruba lo tin un mihor destino pa e placa ey.

Pueblo den su mayoria ta den un lucha pa wanta cabez riba awa. A haya placa pa exporta e desperdicio di Aruba pero burocracia ta prefera di spaar sushedad. Gobierno pa hustifica su maneho ta papia disparate pa no bisa gañamento. Cu e 1.5 biyon florin cu a drenta den caha gobierno lo por a paga e debe di 916 miyon cu debe Hulanda pa e prestamo, por a pone 60 miyon florin pa drecha e Rioolwaterzuiveringsinstallatie, hisa pensioen di nos adultonan mayor, hisa onderstand y yuda e scolnan pa no a hisa schoolgeld. Aruba ta sushi y ta hole stinki pa via di e planta na Bubaliplas cu ta den un mal estado.

Tristo ta ora cu nos tin un gobierno cu no ta interesa den bienestar di su pueblo, no ta interesa den salud di nos grandinan y esnan menos fortuna of mihor bisa esnan cu mas mester di un gobierno pa rek un man brinda yudansa. E minister cu ta encarga cu nos grandi ta bon na altura di e situacion di SABA pero ta prefera di organisa un foro nacional y tristo pa mira cu esnan cu tin conocemento di e problema mes ta afo. Esaki nos ta yama bruhado di tera. Pueblo a perde tur confiansa den e gobierno cu no ta papia berdad. Un Parlamentario ta pidi pueblo pa baha e app pa asina busca supermercado mas barata pa haci compras mientras cu e prijs di gasolin ta esun mas halto den Caribe Hulandes. E unico solucion di nos gobierno ta medida.

Un otro minister mas cu ta biba den fantasia ta e minister di Labor, Energia & Integracion. E minister ta bin dilanti papia cu desempleo a baha. for di unda e ta saca e cifra no ta conoci paso den e tempo aki tin mas hende cu ta perde trabao. Otro ta haya pakete y gobierno no ta tene cuenta cuanto tempo falta pa e persona yega su edad di pensioen y ta klap nan cu 25% na belasting. Kizas e ponencia di gobierno lo ta pa asina legalisa ilegalnan. Kizas e minister ta busca pa gana voto Latino manera a pasa den tempo di Covid ora el a declara si bo kier pa fase sigui anto lo bo mester vota mep. Un gobierno sin boluntad p’esey mes no tin solucion pa nada. E minister a biaha rond mundo gasta placa di pueblo y no por baha e prijs di awa y electricidad. Un voz cu ta grita den desierto pero sin solucion.

Nos ta den luna dificil y laga nos mira cuanto cos mas lo bay pasa den e dianan nos dilanti. E agenda cu gobierno mester sigui ta un otro lockdown y pusha pueblo cu un otro vacuna cu ta mata y asina logra reduci e cantidad di poblacion mundial. E otro plan ta pa pusha e moneda digital pa kita libertad di nos pueblo y pa tin mas control. Pueblo di Aruba e ora zero a yega. Laga nos tene duro paso awor ta bin e sorpresanan. Awor nos ta bay haya sa kiCo ta e Great Reset cu nos gobierno a hinca nos pueblo aden. Dios lo expone tur maldad na luz di dia. Un caminda nos tin y unico speransa ta den Dios. Pa para corupcion y pa Aruba por progresa mester keda fiha nos fe den nos bon Dios. Partido CURPA e unico alternativa.