Lider di partido CURPA Eric Ras ta duna di conoce cu nos tin apenas un par di dia cu a huramenta e ministernan den e gobierno nobo y tin informacion cu 2 ministernan di RAIZ ta dicidi di bay cu vakantie. A campaña cu nos si no ta nan y cu nan tin e pueblo di Aruba na pecho y cu nan ta hendenan integro.
Ta dificil pa compronde for di unda nan a saca e dianan di vakantie pa bay cu vakantie si apenas boso a huramenta como minister. Ademas e personanan aki ta bin di sector priva y den sector priva sigur nan no por haci e disparate nan aki. Aruba ta pasando den un turbulencia y despues di priminti di sirbi pueblo nan ta cambia di manera di pensa y a dicidi pa bay cu vakantie y cu mester bay descansa. Awor e interes di pueblo no ta bin na prome luga mas y no ta importa e dolornan. Con nos por describi e cos aki! Un locura di marca mayo.
Awor ta e momento cu parlamento mester yama e minister nan aki bin duna cuenta y bin cu un mocion di desconfiansa contra di nan paso esaki no ta integridad. E ministernan aki no ta bin na remarca pa ningun dia di vakantie. Nan no a traha pa tin derecho riba dia di vakantie. Increibel paso esaki ta den e gobierno aki na Aruba so e por pasa. Partido Curpa ta keda vigila e movecionnan di locura aki di acerca.
