Nos por a tende cu pastornan cu ta forma parti di Iglesianan Cristian di Aruba (ICA) lo a tene un reunion cu parlamentarionan den intento pa no legalisa e matrimonio di mesun sexo. Segun nos di partido Curpa por a compronde cu dia 10 di november 2023 e caso di matrimonio di mesun sexo lo wordo trata den corte di casacion. E pastornan cu ta forma parti di ICA mester compronde cu no ta for awor e matrimonio di mesun sexo ta riba mesa. Lo ta hopi bon pa refresca nan memoria di e marcha di 4 di september 2016 cu ICA a boycott e tempo ey pa motibo di nan color politico. E reunion di 8 di september 2016 a trata nos codigo civil (buki 1) unda e 2 prome amienda a wordo tira den bari di sushi y lider di partido MEP, lider partido di democracia real y parlamentario Herde di partido AVP a convirti’e den amienda 7 cu a bira e geregistreerd partnerschap. Un total di 11 parlamentario a vota na fabor y 5 a vota contra. Esaki a habri e caminda pa e matrimonio di mesun sexo.

Nos por compronde cu nos prome minister dia 23 di september 2015 a bay di acuerdo cu e 17 punto di Sustainable Development Goals cu ta bunita riba papel, pero den realidad ta un plan satanico. E plan satanico no a cuminsa awor. Public Private Partnerschip introduci bao di gobierno di partido MEP ta un plan di Sustainable Development Goals. E tempo ey e tabata scondi bao di agenda21. Prome minister di partido AVP no a worry pa par’e ni e prome minister actual di partido MEP. A sigui ehecuta e plan aki. Despues di e reunion cu e pastornan tabata tin cu prome minister,pa pidi’e pa gobierno bay corte di casacion cual a wordo haci. Mientras tanto sinembargo a bin cu un concepto di ley pa legalisa matrimonio di mesun sexo cu a cana su caminda mientras tanto. Gobierno tras di gobierno a celebra e siman di Sustainable Development Goals despues di 23 di september. Nos por a mira bandera y porta di Bestuurskantoor incluyendo Parlamento di Aruba a celebra e agenda 2030. Un prueba ta e votacion cu a tuma lugar dia 1 di maart 2021 caminda 17 parlamentario a vota pa geregistreerd partnerschap bira realidad mientras 4 a vota contra. Gobierno a cay dia 30 di maart 2021. Kico lo haci nos parlamentarionan cambia di pensamento den e tempo aki? Mayoria ta na fabor.

E tempo di pensa a pasa dia bieu. Awor ta tempo pa actua. Nos tin parlamentarionan supuestamente cristian den e posicion ey pero nan tin miedo di tuma nan autoridad. Parlamentario Berlis a expresa durante un reunion di pastornan cu su persona a papia cu mi persona pa subi riba lista di partido Curpa y cu mi persona lo a menas’e. Laga mi pone esaki bon cla, como lider di partido Curpa, nunca mi a papia cu parlamentario Marco Berlis pa subi riba lista di partido Curpa y mucho menos pa a menas’e. Esaki ta un mentira flagrante. Sr. Max Robert di partido Curpa a papia telefonicamente cu parlamentario Marco Berlis prome cu el a subi lista di partido MEP. Sr Marco Berlis a admiti di a wordo acerca pa partido MEP pa subi lista y Max Robert a bis’e lo ta mihor si e subi lista di partido Curpa. Sr Berlis a keda di evalua pero e dia ey ya el a duna su palabra na partido MEP. Awor e berdad a sali na cla ta ken ta tras di e plannan pa difama mi persona como lider di partido Curpa. Unda integridad como un yiu di Dios a keda? Unda nos mentalidad di reino a keda? Keto bay kier hinca biña bieu den saco nobo. Nos como pueblo cristian ta den man di Dios. Nos di partido Curpa ta haci un apelacion riba parlamentario Guedez pa marca historia manera Esther paso for di Tevreden y Berlis e pueblo cristian lo no por spera nada bon.

P’esey mes nos di partido Curpa aparta for di e tent di Kore cu a lanta contra di Moises. (Number 16.) Si bo ta den un posicion pa haci algo y bo no ta haci esey kiermen bo ta culpabel. E pueblo cristian lo pasa den duro pero un cos si ta sigur cu Dios conoce nos curason y no nos aparencia y Dios lo sa di dicta na nos fabor. Partido Curpa lo keda defende e famia institui pa Dios y nos no lo permiti pa daña bida di nos criaturanan. Partido Curpa e unico alternativa.