Lider di partido Curpa, Eric Ras: Gobierno ta forsa pueblo di Aruba di biba na rudia

Nos tin un gobierno cu ta carece di vision y mucho menos tin solucion pa e situacion cu nan mes a hinca e pueblo aden. Unico cos cu e gobierno aki ta bon den dje ta lansa mentira tras di mentira. Despues di a entrega Aruba den man di Hulandesnan ainda ta sigui fiesta, core den auto di luho y biaha.

Diripiente awor gobierno ta bin dilanti y bisa pueblo di Aruba lubida riba refineria. E gobierno aki ta asina bon cu a laga Citgo bandona Aruba sin haci e tereno di refineria limpi. Kico a pasa cu e $175 miyon? A regala placa na un multinacional mientras cu nos grandinan y esnan sin trabao no por paga pa nan remedi. Nos scolnan no a wordo renoba y nos careteranan ta na werki. Nos maestronan, nos dokternan y expertonan lo sigui bandona nos Aruba dushi tera pa un miho porvenir. Un mep den oposicion a habri e refineria y awor den gobierno ta mancaron y no por haci nada. Claro e no por haci nada paso den e metanan di desaroyo sostenibel bao di punto 7 no por tin refineria mas. Nos ta bibando bao di maneho di un gobierno comunista cu hibando nos pueblo biba na rudia pa despues kita nos libertad. E agenda 2030 ta tin control total y ta dicidi ken por tin auto y kico bo por come. Lubida riba come carni, lubida bistimento, producto lacteo etc. Bo cuenta di banco ta wordo controla y lubida vakantie paso avion ta haci daño na e clima. E acuerdo cu World Economic Forum ta haci pueblo esclavo. Mas cu 90% di e pueblo Hulandes no kier pa gobierno sigui e agenda 2030. WEF su lema ta: Lo bo no tin nada y lo bo ta feliz. No por spera yudansa di Hulanda paso nan no ta miho tampoco.

E agenda 2030 a cuminsa bao di gobierno di partido AVP y awe partido MEP a sigui cune. Partido mep ta critica partido AVP pero nan no ta miho. E refineria lo desaparece tanto bao di gobierno MEP como di AVP. E cambio climatico ta un fake news pasobra masha tempo caba, Hulanda lo ta bao di awa. Na aña 1953 e dijk na Hulanda a kibra te awe no mester a his’e mas halto. Nacionnan Uni semper a sembra miedo rond mundo y ningun di noticianan a bira un realidad sino puro gañamento. E 17 puntonan di e metanan di desaroyo sostenibel ta mesun cos e gobierno aki, puro gañamento. E promesa den e prome 3 puntonan ta un mentira. E promer ta fin di pobresa, 2 lo caba hamber y di 3 salud y bienestar. Gobierno no ta cumpli cu ningun di e prome 3 puntonan aki. E medidanan impone pa gobierno a haci nos pueblo mas pober cu nunca. Tur prijs riba tur cos a bay halto y pa corona, ta economisa riba salud di pueblo cu 60 miyon florin. Esaki ta e bon cuido cu nos gobierno ta brinda y esnan cu no por paga pa remedi lo haci cu nan salud lo bay atras cu na final lo por termina den morto. E plan di e agenda 2030 ta baha e poblacion mundial. Den un tempo asina gobierno ta hinca den su cabes pa sacrifica salud di nos pueblo. No por pensa nada otro cu nos gobierno ta sigui e agenda 2030 al pie de la letra. Salud di no pueblo no ta importante pa gobierno. Esnan cu ta traha den cuido, nan labor no ta wordo reconoci!

Aruba no tin mas espacio pa mas hotel. Mas hotel ta significa mas trahador, mas cas, mas scol etc. Laga nos no bay sigui ehempel di Hulanda cu tin mas stranhero cu Hulandes. E open border policy mester pone un stop na dje. E gobiernonan den e ultimo 20 añanan a bende nos isla cu stranhero. A bende tur hotel y mayoria negoshi ta den man di stranhero. E habrimento di frontera cu Venezuela no lo nifica, fruta y berdura mas barata, paso ta na dollar mester paga. Seguridad di nos pueblo mester bin na prome lugar.

Den e 5 aña bao di e gobierno di partido mep pa 3 biaha no lo tin opleiding pa polis. Nos cuerpo policial tin scarsedad di personal y falta di material. Tin departamento cu autonan mas cu 10 aña bieu. Den e ultimo 10 añanan nos gobiernonan no tabata tin seguridad di nos pueblo na pecho. Mas bien a ricibi maltrato di parti nos gobierno. Tin como 60 marechaussee bin traha na Aruba. Nos por tin sigur cu a nan si tin un bon salario y otro beneficionan. Riba dje gobierno kier elimina scol pa polis y bin cu un academia hudicial. Kier bin cu mas departamento y no tin placa. No solamente e seguridad di nos pueblo ta na peliger sino di tur esnan cu ta traha den e ramo di husticia. Esaki ta un tempo pa oracion y pidi Dios pa proteccion di nos famianan for di tur maldad y libra nos di e gobierno anticristo cu kier destrui nos famia.