Lider di oposicion Venezolano Leopoldo Lopez, a wordo libera for di prizon pa bay sigui su castigo for di cas pa motibo di salud, segun corte supremo ta laga sa diasabra mainta. Lopez ta deteni desde 2014 pa wordo acusa di lanta manifestacion contra gobierno. Leopoldo Lopez, politico di oposicion a yama tur Venezolano pa bay un marcha contra gobierno di Presidente Nicolas Maduro dia 18 di februari, dia cu Lopez ta haci tres aña den prizon, riba acusacion di a genera violencia na e pais, lagando varios hende morto y otro herida. Lopez a sigura cu miyones di Venezolano kier un cambio di gobierno y pa logra esey mester un prome paso, mester bay di indignacion pa accion. “Nos mester tuma tur caya, sin violencia pero firme, cu un bravo pueblo.”
Lider di Voluntad Popular a ser deteni 18 di februari di 2014 y despues a ser movi pa prizon Ramo Verde, ubica pafo di Caracas. Lopez lo cumpli un condena di 14 aña pa ta considera como culpabel di instigacion publico, asociacion pa comete delito, daño na propiedad y incendio
