85 oficial di Forza Arma Nacional Bolivariano (FANB) a wordo deteni na Boleita – Caracas – Veenzuela, pa motibo cu nan a mustra malcontento cu e situacion di e pais, Henrique Capriles, gobernador di Miranda a publica.
“Nos ta duna conocemento di e detencion di 85 oficial di FANB na Boleita. Henter e situacion solamente pasobra nan a manifesta cu nan no ta di acuerdo cu e situacion na Venezuela, anto Gobierno mester detene henter pais,” e lider politico a publica riba su cuenta na Twitter.
Dia 26 di april a confirma e noticia cu 3 militar di FANB a solicita refugio na Colombia. Gobierno di Nicolas Maduro a solicita Colombia pa entrega tur tres oficial cu tabata purba di organisa un golpi di estado na Venezuela, segun gobierno.
Delcy Rodriguez, canciyer di Venezuela a informa cu tur tres militar a haci un yamado riba pueblo di Venezuela pa tumba e gobierno di Maduro, via un video.
