Lider di MEP, señora Evelyn Wever-Croes a celebra su 55 cumpleaños diadomingo 5 di december. E aña aki, Lider di MEP, nos Prome Minister, a celebra hunto cu miembronan di e hala femenino di Partido MEP na CEDE di MEP.
Tambe tabata presente candidatonan y Presidentenan di Bario. Prome Minister a gradici Forsa Femenino Grace pa e trabaonan cu nan a haci desde e prome dia di fundacion di Partido MEP.
Prome Minister na e ocacion a gradici tur presente y a gara nan atencion cu un reflexion bunita: “Aruba a pasa den e ultimo lunanan momentonan dificil. Nos ta pasando den un aña hopi particular. Un eleccion cu a bin prome cu tempo. Campaña den circumstancianan no usual of normal y awor den gobierno, cosnan ta bayendo hopi lihe. Aruba ta pasando den temponan dificil a causa di Covid 19. Sinembargo, no ta prome biaha cu Aruba ta pasa den dificultad. Señor Betico Croes, dfm, a pasa aden. Señor Nel Oduber a pasa aden. Nos ta pasando aden. Y nos tambe lo sali for di dje mas fuerte y resiliente.
A toca e generacion aki pa pasa den e retonan di e magnitud aki cu nos pais ta enfrentando. E ta nos responsabilidad pa sali for di dje. Mi ta gradici cada ciudadano cu ta duna mi sosten pa haci mi trabao. Aña 2022 lo ta un miho aña sigur pa nos tur. Y nos por tin atrobre trankilidad, felicidad, progreso y bienestar na nos pais.
Den nomber di Partido MEP y e Famia grandi di MEP, Presidente di MEP, señor Hendrik Tevreden a felicita Prome Minister y a desea e bendicion, forsa, guia y pasenshi pa continua cu tur loke su curason ta desea e aña su dilanti.
