(AP) – Hong Kong su lider a bisa diamars cu e 8 activista pro-democracia cu awo ta biba na Merca, Britania, Canada y Australia lo ser persigui pa resto di nan bida pa e supuesto ofensanan na siguridad nacional, ignorando critica cu e movida pa aresta nan tabata un precedente peligroso.
Hefe ehecutivo John Lee a expresa su sosten pa e esfuersonan di polis pa aresta e 8 personanan aki. Na e siman aki su conferencia du media, Lee a bisa cu cualkier persona, incluyendo amistadnan y familiarnan, cu ofrece informacion cu yuda y resulta den nan aresto lo bira eligibel pa ricibi premionan ofreci pa polis. “E unico manera pa caba cu nan destino di ta persona cu ta ser persigui ta si nan entrega nan mes,” el a splica.
E arestonan aki a ser ordena pa e ex autoridadnan pro-democracia Nathan Law, Ted Hui y Dennis Kwok, abogado Kevin Yam, sindicalista Mung Siu-Tat y activistanan Finn Lau, Anna Kwok y Elmer Yuen. Nan a ser acusa di a kibra Beijing su ley di siguridad nacional. Mas di 260 persona a ser aresta bao e ley aki, sinembargo ta prome biaha cu ta ofrece un recompensa di 127,600 dollar pa informacion cu causa cada aresto bao e legislacion aki.
E movida aki a genera critica rapidamente for di gobierno di Merca y Britania, cual a mira un problema cu e aplicacion extrateritorial di e ley di siguridad. Merca a bisa cu esaki ta marca un precedente peligroso cu ta menasa derechonan humano. Minister encarga cu asuntonan den exterior Penny Wong a publica riba twitter cu su pais “ta profundamente preocupa” cu e reportahenan di autoridadnan di Hong Kong y e ordo di aresto pa e personanan aki.”
Sinembargo, Lee a insisti cu poder extrateritorial ta existi den e leynan di siguridad di varios pais. El a bisa cu su gobierno no lo ser manipula ni lo cambia di opinion a causa di comentarionan di oficialnan y politiconan den exterior. “Mi no tin miedo di ningun presion politico cu pone riba nos pa motibo cu nos ta haci loke nos ta kere ta corecto.”
