Lider di fraccion di AVP den Parlamento, Mike Eman a scucha preocupacionan grandi di taxistanan y manehadonan di tourbus, caminda por a sinti dor di algun tempo caba, cu den comunidad gobierno a midi cu dos midi.

“Gobierno ta midi cu dos midi a cu si anteriormente taxistanan por a haya turista ora cu nan sali for di waf of tourbusnan por a haya turista ora cu nan sali for di tereno di waf, pa motibo di reglanan di protocol ta bisa turistanan cu nan no por sali pero gobierno no ta tene cuenta cu e interes, e dolor cu esunnan cu ta bibando ya caba pa casi dos aña sin cu turista na Aruba, ta bibando na e momentonan aki,

Tin un falta hopi pero hopi grandi di comunicacion y un falta di atencion di parti di gobierno, pa e dolor cu tin den comunidad actualmente y loke mi persona por sinti for di combersacionnan cu mi a hibe, cu e inconsistencia den e maneho, ta locual mas ta crea disgusto y iritacion.

Nos por a mira esaki den e bida nocturno, caminda cierto luganan ta wordo atendi den un forma casi brutal y otronan ta laga nan keto y e tipo di inconsistencia aki ta locual ta trece duda den maneho di gobierno, den e derechonan cu a wordo trata  igual.

Na e momentonan aki nos ta mira cu ta pasa mesun cos aki na waf cu turistanan crucero caminda e taxista, caminda manehadonan di tourbus chikitonan ta wordo poni den un posicion di desbentaha contra esunnan organisa y mas grandi.

Semper tabatin situacionnan caminda tabatin busnan organisa pero semper tabatin oportunidad ora cu turistanan sali for di tereno di waf, nan por tuma cualkier tourbus, nan por tuma cualkier taxi y na e momentonan aki, e situacion ta full diferente caminda tin falta di consideracion pa cu e taxistanan y e tourbus operatornan chikito, pa duna nan un oportnidad husto na e momentonan aki.

Nos ta sumamente preocupa cu e situacion aki y lo mi haci mi parti den Parlamento, haci e preguntanan necesario  pa pone atencion riba e tema aki caminda no ta husto locual ta sosodiendo actualmente.

Ta un asunto serio caminda lo mi pone na atencion di Minister Presidente, kende ta esun responsabel mas cu tur otro minister pa loke ta pasando.

E tempo di bisa  cu e no sa kico ta pasando no ta bay op mas den e pais aki, a cu tin hopi dolor, tin hopi sufrimento y tin hopi abuso tumando luga y no por sigui biba como gobernante cu ta keda bisa cu nan no sa di nada mientras cu e disgustonan aki ta sigui crece den pueblo.

En berdad ta un asunto cu tin cu wordo atende pa diferente Minister pero mi persona ta kere cu e Minister President ta esun cu finalmente ta responsabel pa tur locual ta pasando den e pais aki, ya cu or tin cosnan bin e ta prome para pa corta sinta pa  tuma credito pero ora cu presenta un situacion cu ta dificil y doloroso asina, e Minister Presidente no ta ningun caminda y ta pretende cu e no sa di nada pero finalmente su persona ta responsabel pa tur loke ta pasando.

Señora Evelyn Wever Croes    ta organisa un fiesta grandi pa su mes y su famia pero ta lanta bay cera Djispi’s Place y ta e tipo di inhusticia aki tin pueblo disgusta y cu awe hendenan a cuminsa bisa cu nan no kier mas e situacion cu nos tur ta bibando aden na e momentonan aki,” lider di fraccion di AVP, Mike Eman a declara.