Dialuna 20 di juni Parlamento ta trata e ley “Normering Topinkomens”. E ley aki supuestamente mester regula, mihor bisa baha e salario di e funccionarionan halto den sector publico y semi publico, manera e companianan estatal y otro institutonan cu gobierno tin influencia riba nan maneho.

Lider di fraccion di AVP, mr. Mike Eman ta bisa cu su fraccion ta contra e ley aki pa diferente motibo. “Pa cuminsa Eman ta bisa cu no ta esnan na cabez so di e companianan y institutonan lo worde afecta. Cu tempo henter e structura di salario lo worde afecta, di esnan na cabez te esnan den funccionnan cu hopi menos salario den e compania, fundacionnan y institutonan aki”.

Esaki ta lider di fraccion di AVP Mike Eman su analysis despues di a scucha y a haya presentacionnan di WEB, Elmar, SETAR, AAA, Banco Central y ATA y e conseho di Raad van Advies.

Raad van advies ta bise hopi cla: “De Raad merkt op dat de neveneffecten van het voorstel niet alleen functionarissen met een hoge functie kunnen betreffen, maar ook het loongebouwe en de organisatiestructuur als geheel zullen raken”. Mas cla e no por ta, segunlider di fraacion di AVP Mike Eman, locual Raad van Advies ta adverti pe ta cu e ley aki no ta e Director so finalmente su salario lo keda reduci, pero por ehempel na WEB, Elmar of Setar di e director te pa e electricien y esnan den mantencion, na Banco Central, APFA, AZV, ATA, AAA di e director te cu e administrador, secretaria y e bode”, tur lo biba e consecuencia di e ley aki.

Eman ta bisa cu tur instancia envolvi y cu fraccion di AVP a consulta tur ta teme tambe cu 1. Perdida di profesionalnan den e compania y institutonan aki y debilitacion di e empresanan y institutonan dor di esaki; 2. Perdida di oportunidad di trabao atractivo pa nos profesionalnan na Aruba y esunnan studiando cu nos kier bek; 3. E companianan y institutonan aki lo no por competi mas pa profesionalnan pa fortifica y garantisa calidad y progreso di nan operacion, e profesionalnan lo escohe pa sectornan cu si por ofrece nan locual ta nan valor; 4. Finalmente e comapnianan y institutonan aki lo bai atras, gerencia y empleadonan lo bay atras, calidad di maneho y operacion lo bay deteora y Aruba den su totalidad lo sali perdi.

E lider di fraccion di AVP, Mike Eman ta lamenta cu den tur e proceso aki ta mira tambe un campaña di Gabinete Wever Croes pa stigmatisa e funccionarionan di e institutonan aki, cu ta nos profesionalnan. Eman ta bisa cu nos mester para keto y pensa con excepcional e ta cu na un isla chiquito manera Aruba cu apenas 100.000 habitante e maneho y operacion di insitutonan hopi complica den nan tarea y operacion, manera Banco Central, APFA, AZV, WEB, ELMAR, SETAR, ATA, AAA ta worde carga 100% pa gerentenan y empleadonan local.

“Profesionalnan di tur nivel di nos sociedad ta carga e companianan aki dor di temponan dificil y haci cada un di nan cumpli cu nan tarea primordial na un manera sumamente professional”, Lider di fraccion di AVP Mike Eman ta envatisa. E ta lamenta cu Gabinete Wever Croes no ta importa e danjo cu e ta causando cu e ley aki.

Según Eman e temanan aki mester a bay na mesa di un Dialogo Social pa a yega na otro areglonan, pero atrobe Gabinete Wever Croes ta impone leynan inhusto y iresponsabel riba pueblo.