(CuraçaoChronicle) – E licencia Mericano importante di OFAC cu RdK tin actualmente pa Corsou lo caduca e aña aki. Esaki ta duna hopi mas motibo pa e compania di e gobierno, cual ta doño di tur instalacion di petroleo y terenonan, mantene un distancia significante di Knob Trading SA, e sospechoso doño di, y awo oficialmente admiti, petroleo Venezolano di PdVSA cu ta warda na Bullenbaai.
E licencia di OFAC, cual ta monitoria pa Office of Foreign Assets Control y parti di United States Treasury Department cu RdK a ricibi lo caduca den aña 2023. “Pa e motibo aki, awo ta drenta back dialogo pa ricibi un extension,” abogadonan Eric de Vries y Lucas Drissen di HBN di parti di Rdk y RdK su subsidiario Curaçao Refinery Utilities (CRU) den e demanda contra demanda contra Caribbean Refinery Petroleum (CPR), esun cu ta huur e tankinan pa warda petroleo na Bullenbaai.
CPR tin tempo caba sin por paga, y CPR su director Erchenel Doran a propone pa CPR su cliente, Knob Trading (basa na Panama), paga e debe entre RdK y CRU. Sinembargo, e corporacion di gobierno no kier tin nada di haber cu saki; “E ta crucial pa RdK y consecuentemente CRU keda leu for di pagonan haci pa partidonan manera Knob.” Esaki tambe ta motibo dicon e seccion di ‘cumplimento’ di e acuerdo cu CPR ta trata extensamente e asuntonan aki y ‘proposicionnan absurdo’ manera esun di CPR y Doran.
“CRU kier ricibi su pago pero no na e costo di perde e licencia di OFAC,” e abogadonan informa. Manera a reporta anteriormente, CRU/RdK a realisa despues cu e petroleo tabata di PdVSA.
Ademas, Knob “no a nisikiera ofrece pa cancela henter e debe di CPR,” y “no tin idnicacion cu Knob lo ta capaz di haci ningun pago pa CRU.” “Na final di dia, CRU/RdK su banco ta MCB Bank, y no tin motibo pa kere cu MCB Bank lo acepta pago y transimiti e pago di Knob pa CRU, specialmente ora cu MCB aparentemente a termina su relacion bancario cu CPR a causa di pagonan anterior haci di CPR na Knob.”
