Un reporte nobo ta bisa cu partnernan den e red di pago basa riba criptomoneda di Facebook, Libra, ta dudando di nan sosten, entre critica for di oficialnan Mericano y Europeo.
Wall Street Journal a reporta diamars cu Visa Inc., Mastercard Inc. y otronan cu a bin abordo pa yuda construi Libra ta reconsiderando nan participacion. E corant a cita hende familiar cu e asunto kende a ricibi anonimato.
Mastercard no tabatin comentario. Facebook y Visa no a contesta inmediatamente na mensahenan pidiendo comentario.
Facebook a enfrenta critica regulatorio tocante Libra desde cu a revela esaki na juni. E idea ta pa habri compras online na miyones di persona kende no tin acceso na cuenta di banco, y reduci e costo di manda placa a traves di fronteranan. Pero Facebook ya caba ta enfrentando escrutinio tocante su mal record tocante privacidad.
