(AP) – Negociante di criptomoneda Sam Bankman-Fried a sali for di sala di corte na Manhattan riba diahuebs cu su mayornan despues cu nan a keda di acuerdo cu lo firma un acuerdo di 250 miyon dollar pa su libertard y di mantene su persona encarcela na su cas na California mientras e ta warda pa e huicio bao acusacionnan cu el a estafa inversionistanan y a tuma deposito di clientenan den su plataforma FTX.
Abogado asistente Nicolas Roos a bisa den corte federal cu Bankman-Fried di 30 aña di edad, “a crea un fraude di proporcionnan epico.” Roos a propone terminonan estricto na su libertad incluyendo e pago di e 250 miyon dollar, cual el a bisa cu ta e suma mas grandi federal cu a yega di ser poni, ademas di su aresto na cas di su mayornan na Palo Alto.
Un motibo importante pa permiti esaki ta cu Bankman-Fried, ken a ser encarcela na Bahamas, a acepta pa ser extradita na Merca segun Roos. Reuni cu su mayornan y abogadonan fuera di sala di corte, el a duna man na su sostenedornan prome cu el a sali for di e porta, unda fotografonan a sigui su persona.
Hues magestrado Gabriel W. Gorenstein a keda di acuerdo cu ambos condicion, aunke cu el a rekeri pa pone un armband cu ta monitor Bankman-Fried su posicion y localidad. Roos a propone pa pone esaki diabierna na California.
Su condicionnan di libertad tambe ta rekeri pa e no habri ningun linea nobo di credito, cuminsa otro negoshi of drenta den transaccionnan financiero di mas di 1,000 dollar sin notifica gobierno of corte. E acuerdo a ser sigura cu e balor di su mayornan su cas y e firma di nan conhuntamente cu otro personanan financieramente responsabel cu bienes considerabel, Roos a bisa. E acuerdo aki a ser describi como ‘personal recognizance’, nificando cu Bankman-Fried no mester cumpli cu e suma dicta.
