(NLTimes) – Alcaldenan, municipalidadnan y servicio di salud GGD, entre otro, tabata hopi critico di e ley di coronavirus nobo y permanente cu gobierno kier implementa despues di e temporada aki di vakantie.
E ley nobo aki ta duna e gobierno podernan adicional pa limita e ciudadanonan su derechonan fundamental den otro crisis di salud. Esaki ta inclui medidanan similar na esunnan usa durante e pandemia manera uso di tapaboca, cera espacionan publico y cuarentena obligatorio. E ley nobo lo bira parti di e Public Health Act existente.
Segun e corant, alcaldenan y municipalidadnan ta sinti cu e proposicion aki a ser haci den pura. Nan a kere cu esaki lo causa hopi mas incertidumbre y cu gobierno no a revisa esaki apropiadamente.
Advisory Board on Regulatory Pressure (ATR) tambe ta critico. E hunta aki a bisa cu te ainda no tin investigacion concluso pa demostra cua medidanan a contribui na combati e pandemia di coronavirus. ATR a bisa cu e no ta sabi pa implementa cambio den un ley sin claridad tocante cua medidanan ta efectivo.
Minister Ernst Kuipers di Public Health a conta e corant cu e ley permanente mester ser introduci mas lihe di loke a plania pa motibo cu Senado a kita e ley temporario di coronavirus den mey. Como resultado, Gabinete actualmente tin opcion pa rapidamente implementa medidanan cu ta trata libertad si un otro ola serio di coronavirus of otro crisis di salud presenta.
E Conseho di Estado actualmente ta considerando e proposicion. Nan lo publica su opinion tocante esaki durante e luna aki.
