Australia ta spera su leynan nobo, cu ta menasa prizon y boet grandi pa ehecutivonan di rednan social cu faya den elimina contenido violento den ‘livestreaming’ for di nan plataforma, lo bira un model pa otro pais.
Gobierno a bisa cu su contesta despues di atake dia 15 di maart, unda cu Australiano a mata 50 musulman na New Zealand como e prome pa legalisa e conducta di red social y e plataforma online.
Ta existi preocupacion cu e ley por hiba na censura di medio di comunicacion y evita cu denunciante haci revelacionnan. Un persona a drenta cu casco y cu camara pega y bay live riba Facebook ora el a cuminsa su tiroteo na e moskee.
Facebook a bay live pa 17 minuut sin interupcion. E compania ta bisa cu a kita e 1,5 miyon di video di e tiroteo durante e prome 24 ora. Gobierno argumenta cu rednan social mester exlui contenido asina.
E proveedor di servicio di internet a comete un delito di no elimina tal ‘material abominabel’ di forma lihe. Nan ta defini e acto di terorismo, asesinato, intento di tortura, violacion y secuestro. E definicion ta exclui deporte como boxeo, operacion medico, acto sexual violento (cu permiso). Cu por ser graba den bibo of cu a ser graba caba.
