(AP)—Mas residente di California cu enfermedad mental y problemanan di adiccion no trata por ser deteni y forsa den tratamento bao un ley nobo pa Gobernador Gavin Newsom, den un acercamento pa yuda e sistema di salud mental den e Estado y adresa e crisis di falta di vivienda.
E ley nobo, cual ta reforma e sistema di tutela di e Estado, ta expande e definicion di “gravemente descapacita” pa inclui hende cu no por duna nan mes cosnan basico manera cuminda y shelter pa via di un enfermedad mental of un adiccion di alcohol of droga cu no ta ser trata. Gobiernonan local ta bisa cu e leynan actual no ta duna nan e poder pa haci algo si un hende nenga di haya ayudo.
E ley ta diseña pa haci’e mas facil pa autoridadnan pa provee cuido na hende cu enfermedad mental of adiccion no trata, cual hopi di nan ta sin cas.
E legislacion aki tabata parcialmente diseña pa acerca e crisis di falta di vivienda. California tin mas cu 171.000 hende sin cas—aproximadamente 30% di e poblacion nacional. E estado a aloca mas cu 20 miyon dollar den e ultimo añanan pa yuda e hendenan aki, cu resultadonan mixto.
Newsom ta pushando su mesun plan pa reforma e sistema di salud mental den e Estado. E propuesta di Newsom, cual por revisa con hopi condadonan ta paga pa programanan di salud mental y di comportamento y presta 6.3 biyon euro pa paga pa 10.000 cama pa tratamento di salud mental.
E legislacion, cual a ser autorisa pa Senador Democratico Susan Eggman, ta e intento mas recien pa update e ley di California relata na tutela di salud mental—un areglo unda corte ta apunta un hende pa haci decisionnan legal pa un otro persona, incluyendo si pa acepta tratamento medico y tuma medicamento.
E ley ta tuma efecto na 2024, pero condadonan por pospone implementacion te cu 2026. E cambionan lo sirbi como un otro herment pa yuda e estado reforma su sistema di salud mental. Aña pasa, Newson a firma un ley cu a crea un proceso di corte nobo unda miembronan di famia y otro por puntra un hues pa bin cu un plan di tratamento pa cierto hende cu diagnosis specifico, incluyendo schizophrenia. E ley lo laga hues forsa hende den tratamento te cu un aña. E programa di corte, cual a cuminsa e luna aki den shete condado, tambe ta diseña pa adresa e crisis di falta di vivienda.
