(ESPN) – Lewis Hamilton a boks durante e segundo dia di test priva di Ferrari na Circuito di Catalunya diaranson, segun un fuente cu a bisa ESPN.
Tin entendi cu Hamilton a baha for di e circuito y a dal den e baricadanan durante e test, cu a tuma lugar cu un version adapta di Ferrari su auto di 2023, e SF-23.
Un fuente a bisa ESPN cu e ganador di 7 cup mundial di F1, Lewis Hamilton, a sali sin herida for di e incidente y cu Ferrari ta sigur cu e no lo tin un impacto negativo ariba e resto di nan programa di test.
Hamilton y Charles Leclerc ta tuma turno durante e test na Barcelona, cu ta sosode bou di e regulacionnan di ‘Testing of a Previous Car’ (TPC).
E test di Ferrari ta sucede tras di porta cera, sin acceso pa prensa.
No ta e promer biaha cu Hamilton a pasa e limite di su auto. Prome cu su temporada como rookie cu McLaren na januari di 2007, Hamilton tabata involucra den un choke di velocidad halto na Valencia, mientras cu e la boks su Mercedes na su promer dia di test na Jerez den februari 2013.
Actualmente, Hamilton ta coriendo su test cu e SF-23, pero ariba februari 19, pa promer biaha, Hamilton lo maneha e auto di Ferrari di 2025, mesun dia cu Ferrari lo lansa e auto oficialmente.
