Mientras fundacionnan ta traha pa haya casnan pa semper pa cantidad di cacho, pushi y otro animalnan, trabou boluntario ta un manera facil pa mehora nan bida mientras nan ta warda.

Bira boluntario generalmente ta cuminsa cu un aplicacion. Bo por scoge e tipo di actividnan cu bo ta haya interesante, sea hiba e cachonan cana, haci kennel limpi, lesa pa pushinan of crea post riba rednan social, entre otro. Por tin un sesion di informacion cortico, of pa cierto skill specifico, algun ora di training.

Cantidad di shelter ta pidi boluntarionan compromete pa algun cantidad di ora pa luna, pero ta bisa cu hasta e acto di mas chikito ta ser aprecia. “Un boluntario exitoso ta esun cu ta stima animalnan y ta aprecia e hecho cu sin importa kico nan haci, con chikito nan rol parce, e tin un impacto grandi riba e animalnan den shelter”, segun Callista Pearson, manager di marketing y development pa Salt Lake County Animal Services. “Un persona cu ta habri pa no wordo intimida pa un mascota cu no ta acerca nan mesora, pero kende ta dispuesto pa duna e mascota ey tempo y amor”, e ta bisa. “Y e sorto di amistad aki y confiansa por escala te cu e mascota ey ta ser adopta y tin un miho relacion cu su doñonan nobo.”

Cinco manera pa ta boluntario:

Enrikesimento.
 Shelternan ta laf pa animalnan. Tin hopi zonido pero tiki pa haci. Actividadnan di enrikesimento pa tene nan ocupa ta inclui traha y entrega co’i hunga, lesa pa nan, sinta y caricia nan, of hiba nan cana.

Boluntarionan cu ta cana cu cacho probablemente lo ricibi training pa pone leash riba cacho, hinca y saca nan di e kennel, y maneha nan rond di otro cacho. Usualmente boluntarionan ta cuminsa cu cachonan chikito y facil, y despues di haya experiencia ta cana cu cachonan mas fuerte.

Tambe por sinta y hunga cu e cachonan, pa nan ser socialisa poco poco.

Pushinan mester di ayudo pa custuma cu un shelter pa asina nan no ta nervioso ora famianan potencial bishita. Simplemente door di yega y caricia nan, boluntarionan por yuda e pushinan siña keda trankil durante interaccion cu hende. Mas trankil y lief e bestia mustra ora un hende bin cerca dje, mas grandi su chens di wordo adopta.

Foster.
 Foster por ta algo bon pa hende cu kier tin un mascota na cas pero no por garantisa un cas pa semper. Programanan di foster ta varia, pero usualmente ta cuminsa cu un combersacion cu un coordinador tocante ki nivel di participacion y compromiso di tempo bo por haci. Foster por tuma un cacho pa un atardi, weekend, of te ora nan wordo adopta. E stress di keda den shelter por alivia un tiki door di bay un cas den weekend pa un cacho. Ademas, fundacionnan y shelternan ta uza foster pa tene bestianan cu ta recuperando di malesa of cirugia, ya cu nan ta recupera mas lihe na un cas. Ademas, foster di pushi baby y puppies ta yuda pasobra nan ta custuma cu hende y ta bira social.

Haci limpi.
 Un parti importante pa tene animalnan den shelter contento ta tene e luga limpi. Por ehempel, un clechi limpi pa cada animal ta nifica un cantidad di laundry. Tambe mester limpia y mop e kennels, nan cama, y demas.

Donacion.
 Shelternan semper mester donacion, pues considera pone un caha pa colecta of un fundraiser pa materialnan necesario. Considera trece un caha na trabou of scol y colecta co’i hunga, clechi, cuminda y otronan.

Shelters always need donations, so consider setting up a collection box or fundraiser for much-needed goods. Consider bringing in a box to work or school and collecting toys, blankets and other items.

Rednan social.
 Otro manera pa yuda for di cas ta pa join e team di rednan social di un fundacion of shelter, comparti of yuda nan maneha nan pagina riba rednan social. Contesta pregunta, skirbi storianan di e animalnan. Boluntarionan por diseña flyers y comparti ideanan.

Muchanan.
 Pa motibonan di seguro, hopi fundacion of shelter no ta permiti muchanan ta boluntario sin un mayor presente, pero tin oportunidadnan cu supervision. Den esaki, scolnan a yega di organisa sesionnan pa lesa pa e pushinan, cual nan ta disfruta di e atencion trankil.

Na Aruba tin cantidad di fundacion cu ta encarga cu animalnan. Aki bou algun opcion:
Aruba Animal Shelter
http://arubaanimalshelter.com/
8am-12pm dialuna pa diasabra. Diadomingo 8am-3pm. Telefon: 582 1623
Pa donacion:  RBC  Royal Bank 7700000032451794

Swift code RBCbank Aruba N.V.: (field 57 a) A:RBTTAWAW

Adres RBC Bank Aruba N.V.: Italiëstraat 36, Oranjestad, Aruba

Nine Lives Aruba Foundation
https://ninelivesaruba.com/
9-11am y 5-7pm dialuna pa diasabra. Diadomingo cera.
Pa donacion: https://www.paypal.me/ninelivesaruba of Aruba Bank Acct. #2172550190 (Nine Lives Aruba Foundation).

Luna Foundation
https://www.luna-aruba.com/
Telefon: 563-6567
Pa donacion: http://paypal.me/LunaFoundation

Criojo Trappers Aruba
https://www.facebook.com/crijojotrappersaruba/
Telefon: 732-7109 of 593-9083
Pa donacion: http://paypal.me/CriojoTrapepersAUA of Aruba Bank #6010150190 Criojo Trappers Aruba Foundation of di Hulanda RABO 0337213968.