Candidato oficial pa presidencia di Ecuador, Lenin Moreno a haya 51,16 % di voto, te na momento aki caminda Conseho Nacional Electoral a contabilisa un 98,96 di e total di voto cu a ser deposita diadomingo cu a pasa na centronan di votacion na Ecuador, CNE Ecuador a informa.
Segun dato oficial, Guillermo Lasso, cu ta pertenece na movemento Creando oportunidad (CREO) tin 48,84 % di voto. E opositor a bisa cu e lo impugna e resultado di eleccion ey.
Cu e porcentahe cu a ser contabilisa te awor, e candidato Moreno cu ta pertenece na movimiento di izquierda Alianza Pais tin un bentaha di mas di 228.000 voto, mientras cu el a haya te na momento cu nos a skirbi e noticia aki, 5.040.360 voto contra 4.811.838 voto di Lasso
Cerca di 12,8 miyon di elector a ser convoca na centronan di votacion diadomingo, pa asina scoge e sucesor di presidente Rafael Correa, cu ta laga su posicion di presidente dia 24 di mei proximo.
