Polis a aresta homber di 27 aña di edad na Leiden den oranan trempan di mainta pa abusa fisicamente di un mucha homber di 8 aña di edad y transmiti esaki, en bibo riba Facebook, asina e emisora NOS a publica.
E transmision en bibo a provoca cu varios persona a yama Polis y a logra identifica e adres na Leiden, pa medio di obhetonan visibel den e imagennan. Polis no a specificamente bisa kico e obhetonan tabata.
E homber cu no tin un hogar y e mucha homber a ser haya na e adres y ta relaciona cu otro, aunke no ta conoci e naturalesa specifico di e relacion entre nan dos. E mucha homber a ser samina pa personal di ambulance y paramediconan no a haya cu e tabatin mester di atencion medico. Polis ta pidiendo personanan cu a wak e transmision en bibo, pa tuma contacto cu nan.
