(AP) – Legisladornan di Alabama ta avansando legislacion cu lo estrictamente defini ken ta considera hende muhe y hende homber a base di nan sistema di reproduccion. Oposicion a bisa cu e movida lo por afecta e derechonan di personanan transgenero of intersexo den e estado.
“Tin solamente dos sexo y cada individual ta of muhe of homber,” e proposicion di Senado aproba den e comite a bisa diamars. E ta defini sexo basa riba e anatomia y ta bisa cu scolnan ademas di gobiernonan local por establece espacionan di un solo sexo, manera bañonan, basa riba e definicionnan aki. Un comite di cas tambe tin plan di creau n legislacion similar diaranson.
E proposicion ta parti di un ola di legislacion den e estado republicano cu ta busca regula cual baño e personanan transgenero por usa, cual ekipo di deporte di scol nan por hunga cune y pa prohibi cuido medico pa confirma genero, manera blokiadornan di pubertad y terapia di hormona, particularmente pa menornan.
“Mi ta aki awe pa lucha pa e derechonan di ser humano,” Sen. April Weaver a bisa, ken ta sponsor di e proposicion. El a bisa cu e definicionnan lo yuda guia corte den interpreta leynan existente y ta “codifica e definicion honra di homber, muhe, mucha muhe, mucha homber, mama, tata y sexo.”
E proposicion ta declara cu un hende muhe ta un persona cu, sin accidente of nomalia, tin un “sistema di reporduccion cu na algun momento ta produci ova” y un hemde homber como un persona cu tin un “sistema di reproduccion cu na algun punto ta produci sperma.” E proposicion ta rekeri cualkier entidad cu sosten di estado colectando informacion relaciona na sexo pa “identifica cada individual como un muhe of homber na nacemento.”
Durante un audiencia publico, oposicion a bisa cu e legislacion ta parti di atakenan andando riba e derechonan di persona transgenero di simplemente biba nan bida. “Mi ta aki pa bisa cu literalmente mi ta djis un muhe. Tambe mi ta un transgenero. Personanan manera ami semper a existi y e ta ok cu nos ta existi,’ Allison Montgomery a conta County y Municipal Government Committee. Montgomery a loke e personanan cu a propone esaki ta buscando lo nifica cu hende homber cu a “bebe testosterona pa añanan largo y a desaroya barba caba” lo ser rekeri usa baño di hende muhe pa motibo cu nan curpa na un momento a produci ova.
No ta cla te ainda con e proposicion aki lo impacta e personanan cu ta considera intersexo, of cu a nace cu un combinacion di rasgonan biologico di tanto hende muhe como hende homber. E comite a agrega lenguahe cu e sexo por keda designa como no conoci riba recordnan di estado “ora cu no por determin medicamente e sexo pa motibonan di desaroyo of otro.”
