(CNN) – Administracion di Biden a ricibi un otro rechaso di Israel diaranson ultimo den oranan di anochi, e biaha aki, di parti di parlamento di e pais pa e apoyo di Merca na un eventual creacion di un Estado Palestino.

E yamada solucion di dos Estado na e conflicto Palestino-Israeli a bin forma parti di e politica di Merca durante decadanan, pero ausencia di negociacionnan entre e dos parti y falta di esfuerso sosteni di parti di Washington pa bira realidad ta nifica e fe den e resultado cu a disminui. Diaranson den oranan di atardi, parlamento Israeli a laga su posicion cla, votando 69 contra 9, un rechaso na cualkier creacion di un Estado Palestino.

Entre esnan cu a vota contra ta Benny Gantz, opositor di prome minister Benjamin Netanyahu. E voto di Gantz ta supone un golpi duro pa esnan na Washington cu tabata mirele como un hende mas inclina den e buskeda di paz negocia cu Palestinonan si algun dia lo bira lider di Israel.

Na cambio, e resolucion “tabata un señal pa comunidad internacional cu e presion pa impone un estado Palestino pa Israel ta inutil,” e lider di partido opositor di derecha “Nueva Esperanza,” Gideon Saar, a bisa.

Ministerio di Asuntonan Exterior di Gobierno Autonomo Palestino a condena e votacion di Knesset y a bisa cu tabata ora di “consenso internacional riba e solucion di dos Estado traduci den medidanan mas practico pa resolve e conflicto, prome cu lo ta hopi laat.”

Administracion di Biden, a mantene firme den su apoyo pa Israel y Netanyahu durante e guera na Gazad—den cual miles di Palestino a muri—purbando di mantene su linea di larga data cu un solucion di dos Estado lo influi den interes tanto di Israelinan como di Palestinonan.

Netanyahu pa varios biaha a rechasa e idea. Un dia despues di papia cu Biden den un combersacion telefonico na januari ultimo, e lider Israeli a publica riba e red social X, “Mi no ta bay compromete mi mes den control di seguridad total Israeli vooral riba teritorio di Jordania. Esaki contrario na e creacion di un Estado Palestino.”

Si bien lidernan internacional a condena varios biaha e atake lidera pa Hamas contra Israel dia 7 di october 2023, den cual 1,200 persona a muri y a tuma como rehen mas di 250 mas, algun pais tambe a realisa cambionan importante den nan politica exterior den ultimo lunanan pa reconoce un Estado Palestino.

Ora a haci e anuncio aki na mei, den un medida coordina cu Spaña y Irlanda, e minister di Asuntonan Exterior di Noruega a mara e medida den un respuesta na intervencion Israeli den combersacionnan di paz.