(NTN24) – Ayera diamars a bira conoci e propuesta inicial di presupuesto pa Colombia cu Subcomite di Apropiacion di Camara di Representante di Merca a haci.
Segun e documento, e comite ta balora a relacion profundo entre e dos nacion, sinembargo, a expresa “nan preocupacion” riba e decisionnan di gobierno di presidente Gustavo Petro.
“E comite ta mira cu reconocemento e relacion profundo y duradero entre Merca y e pueblo di Colombia, incluyendo Forsa Arma di Colombia y Polis Nacional di Colombia,” e documento ta bisa.
No obstante, e comite a agrega cu “nos ta sinti profundamente preocupa pa e politica y relacionnan perhudicial di Administracion di Petro, cu ta den desacuerdo cu interesnan economico y di seguridad Mericano.”
Por lo tanto, e legisladonan a propone “cu e fondonan pa Colombia keda reduci cu un 50% compara cu e nivel di aña fiscal 2024 pa Asistencia di Desaroyo, Fondo di Apoyo Economico y Control Internacional di Narcotico y Aplicacion di Ley.”
Ya caba na maart ultimo, Joe Biden, presidente di Merca, a anuncia un reduccion drastico den e presupuesto di ayudo pa Colombia pa aña 2025.
E cifra solicita pa proximo aña fiscal, aproximadamente di 413 miyon dollar, ta marca un reduccion notable compara cu añanan anterior y ta representa e cifra mas abao cu Biden a yega di duna for di dia el a yega na Cas Blanco.
E noticia a genera pregunta riba e motibonan tras di e disminucion aki. Na 2023, administracion di Biden a solicita 413 miyon dollar pa Colombia, loke ta haci cu e reduccion anual ta di 7%. Sinembargo, loke a hala atencion ta e recorte di e fondonan destina na e lucha contra droga, cu ta mustra afecta cu un disminucion di 15%, ora a pasa di 160 miyon dollar pa 135 miyon dollar.
E impacto di e reduccion aki no ta limita solamente na lucha contra narcotrafico, sino cu tambe ta extende na programanan di desaroyo na e pais.
Na 2024, Congreso a ricibi un solicitud di 225 miyon dollar pa financia e programanan aki, mientras cu pa 2025, e cifra a keda reduci na 219 miyon dollar, esaki cu e suma di e cuentanan di Asistencia pa Desaroyo y Fondo pa Apoyo Economico (DA y ESF na Ingles).
Asina mes den ocasion ey, Biden a solicita un asignacion di mas di 38 miyon dollar pa Forsa Arma, 8.7 miyon dollar destina pa programanan di salud na nivel global, 10 miyon pa actividadnan di minanan y prevencion, y un partida adicional di 2 miyon pa desaroyo di educacion militar, cu ta bay ricibi cantidadnan chikito compara cu añanan anterior, di acuerdo cu loke e corant El Tiempo a señala.
Aunke e reduccion total di e presupuesto di ayudo pa Colombia no por ta considera catastrofico, ya cu e cifra solicita ta sigui keda considerable, ta importante pa destaca cu ta representa un tendencia baha den apoyo financiero di Merca pa e pais sur Americano.
Desde e 453 miyon dollar duna na 2022, despues 463 miyon na 2023 y 444 miyon na 2024, e solicitud di 413 a marca un punto di tension den e relacion bilateral entre ambos pais.
