Prome Minister Britanico, Boris Johnson su gobierno Conservador apenas a derota un intento lidera pa algun di su propio legisladonan pa prohibi Huawei di China di construi parti di e red di telecomunicacion di velocidad halto di Reino Uni.
Tres decena di legislado Conservador a aproba un yamado pa prohibi companianan di ‘halto riesgo’, manera Huawei, di cualkier participacion den e red despues di 2022.
E movida, cu a bin den un amienda na un ley di telecomunicacion, a keda derota pa 306 voto contra 282 den House of Commons, unda e conservadornan tin un mayoria di 80 asiento. Alrededor di 36 Conservador a rebeldia.
Reino Uni a provoca rabia cerca Merca na momento cu a anuncia na januari cu lo permiti Huawei suministra parti di su red celular di proximo generacion, conoci como 5G.
Merca a prohibi Huawei como un riesgo pa seguridad, bisando cu por duna gobierno Chines acceso na data, y a menasa di corta lasonan di inteligencia cu paisnan cu no haci mescos. Huawei ta nenga cu China ta usa su ekipo pa spiona.
Gobierno di Johnson ta insisti cu por maneha cualkier riesgo cu Huawei presenta. Ta bisa cu por prohibi companianan di ‘riesgo halto’ manera Huawei pa suministra partinan sensitivo ‘central’ di e red nobo. Pero Reino Uni lo permiti proveedonan di riesgo halto pa suministra te cu 35% di e red di radio di menos riesgo di un proveedo.
E rebeldia Conservador ta aumenta presion riba gobierno pa limita e rol di Huawei na momento di introduci legislacion nobo riba seguridad di telecomunicacion e aña aki.
Vice presidente di Huawei a bisa cu decision di gobierno Britanico ta ‘basa riba evidencia’ y lo ‘resulta den infrastructura mas avansa, mas sigur y mas efectivo pa telecomunicacion’.
