(NLTimes) – Gobierno ta spera cu e premie pa seguro basico di salud lo aumenta na 158 euro proximo aña, fuentenan cercano na Dia di Presupuesto a bisa Telegraaf. E premie mensual averahe ta tiki menos cu 150 euro.
Cada aña pa Prinsjesdag, ministerio di Salubridad Publico ta calcula con halto e premier pa e pakete basico di seguro di salud ta bay ta aproximadamente e siguiente aña. E ministerio ta spera un premie anual di 1,900 euro otro aña, compara cu e 1,792 euro di e aña aki.
Segun fuentenan di e corant, e premie mas halto ta pa motibo di salario mas halto den cuido di salud y inflacion, cual tambe ta haci cuido di salud mas caro riba su mes. E costonan mas halto aki ta pasa parcialmente na e aseguradonan.
Seguronan mes ta determina e costo di nan premie, usando e calculacionnan di gobierno como un guia. Algun seguro por usa reserva pa reduci e aumento di premie un tiki, pero nan a haci esey hopi biaha den ultimo añanan y no ta resta mucho reserva. Seguronan mester anuncia nan premie pa proximo aña pa dia 12 di di november.
Hogarnan di menos recurso ta bay ricibi compensacion parcial pa e aumento di premie. E toeslag pa cuido di salud tambe ta bay aumenta proximo aña na alrededor di 80 euro anual, cubriendo tres cuarta parti di e aumento di premie.
E premie di seguro di salud a aumenta considerablemente den añanan recien. Na 2015, e premie mensual averahe tabata tiki menos cu 100 euro. Ta spera mas aumento den proximo añanan, en parti pa motibo di plan di e coalicion pa reduci significantemente e deducible di cuido di salud. E deducible ta frozen na e 385 euro actual pa proximo dos aña, despues di cual e coalicion kier bah’e na mita, 165 euro na 2027.
E expectativa ta cu e deducible mas abao lo nifica cu hende ta bay usa mas cuido di salud, pushando premie di seguro mas halto. Gobierno kier compensa pa esey door di reduci impuesto riba entrada.
