Cu animo pa motibo cu Latino America tabata e region unda mas a crece su gestion comercial den e prome cinco luna di e aña aki, Vietnam ta planea pa mantene e ritmo den e tereno ey y mehora e inversionnan.
Medionan di prensa local a publica ayera un reunion cu efectua na Ciudad de Mexico, cu e asistencia di Vice Minister di Industria y Comercio, Do Thang Hai, e hefenan di oficina comercial di Vietnam den e region y nan diplomatico cu ta encarga na Latino America.
Na e ocasion aki a informa cu na 2018 e exportacion pa e pais ey a totalisa 58.3 biyon dollar. E aña aki, pa e ciere di luna di mei, a subi pa 35.5 biyon, loke ta supone un aumento pa aña di 25,53% y un señal di e logronan pa e esfuersonan aki.
E asistentnan a conveni na area di comercio y inversion, cu te ainda nan ta reserva hopi posibilidad y nan a considera ideanan di con por avansa cu ambos capitulo y cu cooperacion economico den general.
Thang Hai a sigura cu Vietnam tin na Latino America hopi socio cu nan ta considera strategico desde e punto di bista economico, pero tambe loke ta representa pa su politica exterior di integracion y apertura pa mundo.
Den e contexto aki, a yama pa e parti relaciona pa crea un marco legal capaz di activa e comercio, inversion y cooperacion, como tambe e incorporacion di e nacion indochino pa e cadena di balor existente den e latitud ey.
