(Yahoo News) – Efectonan di inflacion cu excepcion di Argentina y Venezuela -cu a lucha cu a enfrenta e problema aki for di varios aña caba- a reaparece bek cu forsa na Latino America y Caribe despues di un etapa relativo di stabilidad.
E aña aki cu e guera na Ucrania y Rusia e prijsnan di combustibel y cuminda a aumenta , loke a profundisa e halto costo di bida cu a cuminsa durante pandemia di Covid-19 pa e restriccionnan cu a afecta e produccion y a causa un impacto den oferta di bienes.
Na augustus ultimo Mexico a registra un inflacion anual di 8.7% e mayor den mas di dos decada, mientras cu Chile a cera 2021 cu un indice di 7.2% -e mas halto den 14 aña- cu no a cambia hasta cu a yega na 13.3% interanual na november ultimo.
Aumento di prijsnan a causa protestanan di sector di produccion, sindicatonan y organisacionnan politico loke a obliga e gobiernonan actualisa e salarionan, subsidia coriente y aumenta e ayudo pa calma e malcontento social.
Na juni, na Ecuador un protesta indigena a paralisa e pais cu e demanda di reduccion di prijs di gasolin, mientras cu Argentina ta escenario di protestanan constante di organisacionnan cu a agrupa desempleadonan y trahadonan di sector informal di e cual nan entrada no ta suficiente pa sobrevivi.
Na Uruguay aumento di prijs a obliga personanan mas vulnerabel y di menos recurso pa bay na unda ta realisa “weanan popular” pa asina nan por haya cuminda y cu ta organisa pa autoridadnan y bisiñanan.
Segun Fondo Monetario Internacional (FMI) e region ta bay finalisa e aña aki cu un aumento di prijsnan pa consumidor di 14,6% compara cu aña 2021.
Esunnan cu lo sufri mas ta Venezuela, cu 220%; despues ta sigui Argentina cu 95%, paisnan unda e diferencia aki a bira e regla for di basta tempo caba.
Ta continua Chile, cu 12,2%; Colombia, cu 11%; Uruguay, cu 8,9%; Mexico, cu 8,5%; Peru, cu 6,8%; Brasil, cu 6%; Bolivia, cu 4,2%, y Ecuador, cu 3,8%, segun loke e rapport “Perspectivanan Economico pa America: Nabegando condicionnan financiero mas restrictivo”, publica pa FMI na november.
