Lama na Aruba ta keda bruto. E aviso pa boto y inundacion ta keda valido.

E lama na Aruba ta keda bruto. Aunke Meteo Aruba a cancela awe 11 or e alerta pa tormenta tropical ainda nos ta sinti e efecto di horcan Matthew cu awor ta riba Haiti. Segun Meteo di Aruba awe mainta e tabata 150 km noord – noordwest di nos isla, moviendo west -zuidwest cu 22 km/ora, cu bientonan maximo rond di e centro di 165 km/ora. National Hurricane Center su ultimo informe ta papia awor di bientonan di 230 km/ora.

E efectonan di e lama bruto por mira bon na Malmok. Unda e ta impacta e beachnan y e awa ta yega riba e caminda di Malmok.

Meteo ta informa cu e aviso pa boto chikito ta keda valido y tambe e aviso pa inundacion di termino corto ta keda valido te diasabra marduga.

Pronosticonan:

Diabierna:
Parcialmente nubla te basta nubla. Chens pa awacero compania cu lamper i strena. Biento di zuidwest alrededor di 18 kts, cu rafaga te 35 kts, den mainta, cambiando pa zuidoost 15 kts, cu rafaga te 28 kts, den atardi. Posibilidad di awa 60 %.

Diabierna anochi pa diasabra:
Parcialmente nubla te basta nubla. Chens pa awacero compania cu lamper i strena. Biento di zuidoost alrededor di 18 kts, cu rafaga te 28 kts. Posibilidad di awa 60 %.