Turistanan a reporta dañonan na diferente area di Aruba debi na lama bruto di ayera na unda nan tabata preocupa pa e dañonan na infrastructura y tambe nan tabata alerta hende pa no bay lama mes.
Aunke pa localnan tempo di yobida ta dushi na Aruba debi na temperaturanan hopi halto cu e isla y otro paisnan rond di mundo ta registrando, pa turistanan esaki ta algo diferente, unda ayera mainta algun di nan riba rednan social a reporta olanan basta bruto lo cual a afecta diferente area di hotelnan y negoshinan.
Un di nan tabata na area di Eagle Beach na unda palapanan di un hotel a cay y hasta tabatin un persona cu tabata practica surf.
Na Palm Beach tambe a registra un mal tempo cu olanan a yega basta leu inundando e area di e palapanan y den otro potret por mira cu na pier di Bugaloe y di Pelican e olanan tabata asina halto cu e awa a inunda e negoshi afectando nan operacion y nan structura.
