Un red di laguna di awa salo por ta scondi bao polo sur di Mars hunto cu un lago subteraneo grandi, aumentando e prospecto di bida minusculo, landado, Marsiano.
Cientificonan Italiano a reporta nan hallazgo ayera, dos aña despues di identifica loke nan a kere tabata un lago grandi dera. Nan a aumenta nan area di cobertura pa algun centenar di miya, usando mas data for di un radar sounder den e orbiter Mars Express di Agencia Spacial Europeo (ESA).
Den e estudio mas recien cu ta aparece den e journal Nature Astronomy, e cientificonan ta provee mas evidencia di e lago di awa salo aki, calcula di un tamaño di 20 pa 30 kilometer y dera alrededor di 1.5km bao e superficie di ijs.
Mas interesante ainda, nan tambe a identifica tres cuerpo mas chikito di awa rondonando e lago. E lagunanan aki ta parce di ta di varios tamaño y ta separa di e lago principal.
Alrededor di 4 biyon di aña atras, Mars tabata cayente y muha, manera Tera. Pero e planeta cora eventualmente a cambia den e mundo seco y inhabita cu e ta awendia.
E team di investigacion lidera pa Sebastian Emanuel Lauro di Universidad Roma Tre a usa un metodo similar na locual ta usa na Tera pa detecta lagonan dera den Antartica y Artico Canades. Nan ta basa nan hallazgonan riba mas di 100 observacion di radar di Mars Express entre 2010 te cu 2019; e astronave a ser lansa na 2003.
Tur e awa potencial aki ta aumenta e posibilidad di bida microbio riba – of paden di – Mars. Concentracionnan halto di salo ta probablemente stop e awa di freeze na e sitio frigido aki, e cientificonan a nota. E temperatura di superficie na polo sur ta calcula na -113 grado Celsius, y ta bira gradualmente mas cayente cu profundidad.
E cuerponan di awa aki potencialmente ta interesante biologicamente, y ‘misionnan futuro na Mars lo mester enfoca riba e region aki’, e investigadonan a skirbi.
