Un suseso peculiar y por hasta bisa chistoso a pasa na Australia na momento cu un grupo di ladron a haya e idea pa bay horta gasoline for di un tour bus.
Segun e fuente The Daily Mail ta raporta, e ladronnan a hinca e slang den e buraco robes y hopi lihe a ripara cu nan ta sacando awa sushi di e wc na luga di gasoline.
Husticia Australiano no a logra di captura ningun persona y tampoco no tin ningun pista di kende por ta e sospechosonan. E fuente The West Australian a entrevista e agente policial Heath Soutar, kende a confirma e sucedido y tambe bisa cu no a haya niun sospechoso ainda. Soutar: “Nos por confirma cu e ladronnan a scoge hopi lihe pa bandona e sitio, pero nan a logra scapa cu un smaak hopi marga den nan boca.”
