KvK ta prefera pa hues tuma decision den caso PDR

Segun secretario di e Partido Democracia Real (PDR) Lisette Gomes, Camara di Comercio (KVK) a dicidi cu ta laga na hues pa dicidi si por cambia e directiva den su registro.

E comentario di sra. Gomes cu ta representa e directiva nobo eligi riba 18 di januari cu Alonso Tromp cu e presidente nobo, a bin despues cu e lider di e partido Andin Bikker a reacciona riba NoticiaCla. Unda e ta bisa cu KVK a ‘nenga e cambio di e directiva’. Sr. Bikker y sr. Tromp ta den un conflicto. Sr. Bikker no ta acepta e directiva nobo. Di otro banda e directiva eligi recientemente ta bisa cu nan a reuni segun e reglanan. Sra. Gomes ta indica awor tambe cu nan ta bay reuni cu abogado pa asina wak kico nan segundo paso lo bira.