(TMZ) – Ray J ta insisti cu Kris Jenner tabata den medio di e negociacionnan di Kim y Ray J su video sexual, pero fuentenan a conta cu e negociante di e siglo, pues KRis Jenner, no tabata involucra ora cu a sera e acuerdo.
Fuentenan cu conocemento directo ta conta TMZ cu Kris nunca a negocia cu Vivid Entertainment, kende ta esun cu a distribui e video den aña 2007. Aparentemente, Kim y Ray J a lidia cu Vivid directamente y cu nan abogadonan.
Den un entrevista, Ray J ta mantene su posicion cu Kris y Kim a planea di traha un ‘sex tape’ despues di e exito financiero enorme di esun di Paris Hilton. Fuentenan di e otro banda ta contradeci esaki, bisando cu e no tabatin nada di haber den e plan di e video, y aparentemente Kris no tabata involucra den e trato, ni tampoco tabatin contacto cu Vivid.
Claramente, esaki no ta nifica cu Kris no tabata trahando tras di escena, segun Ray J.
Manera a reporta, aunke e Kardashians a bisa cu nunca nan no a firma nada relaciona cu e video, e realidad ta cu Vivid no lo por a lansa e video sin e firma di Kim y Ray, y si nan lo a haci esaki, nan lo a ricibi un demanda grandi, pa motibo cu Vivid no por haci uso di e nomber ni imagen di un persona den video ni cualkier formato sin nan consentimento.
Kim efectivamente a demanda Vivid prome cu e video a keda lansa, pero e demanda aki a keda retira, pa motibo cu aparentemente su persona y Ray tabata kier a yega na e trato cu nan kier y aisna por habri caminda pa e lansamento di e video.
Pa loke ta trata finanzas, aparentemente Kim y Ray a split 1 miyon dollar entre nan dos, y hunto cada un a ricibi un porcentahe di e ganashinan di e video. E sex tape aki ta e sex tape cu mas ganashi a genera, ganando esun di Paris Hilton.
