Korrectie Instituut Aruba ta keda un time bomb, mester actua awor

Diaranson mainta durante e disturbio na KIA , camaranan a capta e imagen nan di e cura rond y tambe 1 camera di seguridad na entrada di e tereno.Despues mas anochi a drenta informe cu protesta a sigui pasobra
e preso nan a wordo buta den e seccion cu tabata kima cual segun Director di KIA sr. Rocco Tjong esaki no ta berdad anto tabata djis un rumor.

Momento cu nos a bay wak e camara mas cerca nos a keda sorprendi, di loke nos a wak. E camara completamente cubri cu salpeter no ta den funcion, paso e cabel cu lo mester ta suministra coriente y e monitor ta corta. Pues e camara eynan na e entrada di e tereno ya pa hopi tempo lo no ta funcionando. Pa nos e ta un camara importante, paso ta prome caminda cu bo ta wak ken a subi e tereno. E cura manera por aprecia ariba e imagennan ta mustra cu posiblemente  por ta data di tempo cu a construi e Korreccion Institucional Aruba, basta aña atras.

E heki y area rond di e prison mester e atencion debibo y mester wordo drecha urgentemente.  Awor por compronde tambe ora ta papia cu cosnan ilicito ta wordo benta over di e muraya, esaki mas cu claro ta un indicaccion con facil e ta pa yega serca di e prison, loke ta algo hopi peligroso.

Segun sr. Tjong, tur cos actualmente ta bek bao control awe y e draaiboek ta sigui, dag programa pa bishita detenido nan tambe ta sigui awe. Esnan culpabel segun sr. Tjong ta bay wordo investiga cual a wordo palabra caba cu Ministerio Publico. Awe merdia 2or, compania di seguro y KIA ta bay haci un evaluacion pa mira con hopi daño a wordo causa