Dia 1 di october nos ta celebra e Dia Internacional di Coffee. Koffie ta forma parti di e rutina diario di hende rond di mundo pero tambe ta un parti valioso di varios cultura, mirando cu varios pais ta hasta conoci pa nan bonchinan di koffie cual por ta un delicadesa pa personanan cu ta fanatico di coffie y hasta esunnan cu no sa bebe koffie frecuentemente.

Segun Asociacion Nacional di Coffee di Merca e origen di koffie no ta exactamente cla, aunke tin varios leyenda tocante su origen. Un di e leyendanan aki ta dicta koffie su origen na Ethiopia. Koffie cultiva su herencia ta bay back siglonan atras unda segun e leyenda, e pastoor di cabrito Kaldi a descubri e potencial di e bonchinan stima aki.

E storia ta conta cu Kaldi a descubri koffie despues cu el a ripara cu despues di come e fruta di un cierto mata, su cabritonan tabata haya asina hopi energia cu nan no por a drumi anochi. El a reporta e descubrimento aki na e monasteria local, unda nan a traha un bebida cu e frutanan aki y a haya cu berdaderamente e ta mantene nan alerta pa oranan largo durante oracion anochi. Na e monasteria a comparti e descubrimento cu e otronan y asina e conocemento di e fruta di energia aki a cuminsa, te ora cu el a cuminsa un biahe cu a hiba e bonchinan aki rond di henter mundo.

Nos tur por reconoce bonchi di koffie despues cu a ‘roast’ esaki, pero posiblemente nos no lo reconoce e mata di koffie. Koffie ta e fruta cu ta cultiva for di e mata Coffea. E matanan di koffie ta ser manteni cortico pa asina conserva su energia y yuda ora di piki tur e frutanan, pero si no corta esaki e por crece te hasta 9 meter halto. E asina yama ‘Coffee Cherry” ta crece riba e takinan y pa motibo cu e ta crece den un ciclo continuo, no ta poco comun pa mira flornan y frutanan berde na mesun momento riba un solo mata.

E ta tuma casi 1 aña pa e cherry madura y mas o menos 5 aña di crecemento pa e yega su produccion completo di fruta. Mientras cu matanan di koffie por biba te hasta 100 aña, nan ta generalmente mas producto entre e edad di 7 pa 20 aña. Cuido apropia por mantene y te hasta aumenta su produccion durante e añanan, dependiendo riba su variedad. Un mata averahe di koffie ta produci mas o menos 10 liber di ‘coffee cherry’ pa aña of 2 liber di bonchi berde.

Tur koffie comercial cultiva ta for di un region den e mundo yama e ‘Coffee Belt’. E ‘Coffee Belt’, tambe conoci como ‘bean belt’, tin tera rico den mineralnan y ta halto den temperatura. Tin mas di 50 pais rond di mundo cu ta cultiva koffie, incluyendo Merca, Hawaii, Mexico, Puerto Rico, Guatemala, Costa Rica, Colombia, Brazil, Ethiopia, Kenya, Yemen, Indonesia, Vietnam, entre otro. E paisnan alrededor di Puerto Rico manera Aruba y otro islanan den Caribe tambe a cuminsa produci nan propio koffie cu cultivo superior.

Aki na Aruba nos por haya un gran variedad di koffie di diferente origen y sabor cu ta forma parti di diferente cultura. Koffie no solamente ta duna nos energia, sino tambe e ta yuda nos comparti y siña di otro culturanan.

Ban dal un koffie awe y celebra su dia.